راجمان رجانک
ماں پاکستان ءَ سیاسی کرپشن: راجمانی جوڑشت ءُ کانونی ربی٘د ءِ میان ءَ اڑ
ڈاکٹر ذوالفقار علی فلسفه ڈیپارٹمنٹ، کراچی یونیورسٹی
راجمانی جوڑشت (social structure) ءُ کانونی رَبی٘د (legal framework) ءِ نه ٹَهگ ءِ درگتءَ مزنیں کساسے ءَ مواد دیما آیان اَنت۔ ماں اے نبشتانک ءَ چارگ بیت که پاکستان ءِ اینٹی کرپشن رھبند ءُ راجمانی زندمان ءِ میان ءَ مزنیں اَڑے مان۔ پاکستان ءِ اندری ناھمسنگی، جمهوری دیمروی ءُ برجمیں ردوم ءِ درگتءَ کرپشن ءِ آسر اگاں شاهگانیں وڑےءَ چارگ ءُ تپّاسگ به بنت گڑا کرپشن ءِ وڑیں ناشُناسیں پِڑے نوں پولگ لوٹیت که چِدءُپیش پولگ نه بوتگ۔ (کرپشن ءِ پِڑ باید اِنت ساری ءَ پولگ بوتیں پرچاکه) پاکستان ءِ کانونی ربی٘د برٹش ءِ کانونی رَبی٘د ءِ وارس اِنت، ءُ اے رَبی٘د چه بُن ءَ ذاتی (private) ءُ اُلُسی (public) درجه ءِ میان ءَ بهر اِنت۔ (بزاں اے کانونی رَبی٘د ءِ تها دو درجه اَنت، یکے ذاتی اِنت ءُ دومی اُلُسی)۔ اے نبشتانک ءِ دلیل ھمیش اِنت که پاکستانی راجمان داں مزنیں کساسے ءَ اے بهرءُ بانگی یا گیوارت (split) ءَ نه منّیت۔ اے گیوارت سیاسی کرپشنے ءِ گیشّی٘نگ ءَ یک گیشِّتگیں رھبندے (مارا) دنت، (بلئے) سما بیت (اے رھبند) ربی٘دگی رِدءَ سک نِزور اِنت۔ گچینی وڑے ءَ اے نبشتانک گْوشگ لوٹیت که نسلی وفاداری چه اُلُسی پرواه (public interest) ءَ دیماتِر اِنت۔ ھمے نگاه ءَ گوں کرپشن ءَ مڑاهداریں پلامرزی یے رَستگ۔ چه اِشی ءَ زانگ بیت که بازیں مردمے په نسلی پرواه ءَ سرکاری دپتراں کاربندگ ءَ کرپشنے سرپد نه بیت۔ اے وڑیں ساھتاں دیما کنان ءَ اے نبشتانک ءِ تها پَدجنگ بوتگ که کرپشن ءِ درگتءَ پاکستان ءِ کانونی ربی٘د ءُ راجمانی جوڑشت یک دومی ءَ گوں نه ٹَهَنت۔ چه اے دوئینانی نه ٹهگ ءَ سِوِل سوسائٹی ءِ تها ھم دل تپرکهی ءَ سرکَشِّتگ۔
گنجیں رھبند بلئے تاوان ءَ کپتگیں ھاکمی
پاکستان ءِ وڑیں پوسٹ کالونیل مُلکاں بنیادی کانونی رَبی٘د ءُ ادارهانی
نچینبندی (arrangement) چونائیا برٹش کالونیل کانونی
ربی٘د ءِ میراس اِتنت که داں اے وھدی ھم ھما رَبی٘د ءِ وارس اَنت[1]۔ ماں پاکستان ءَ چه گْوستگیں لهتے
دھکاں اے رَبی٘د ءِ تها بازیں رَدءُبدلے کنگ بوتگ۔ بلئے پدا ھم بنیادی رَبی٘د ھما
وڑا برجم ءُ برجاه اِنت۔
شری ءَ به چارئے، ھمے کانونی هزر ءُ ازباب که ماں پاکستان
ءَ سوبین نه بوتگ اَنت۔ ھمے ماں برٹش راجمان ءَ یک کارے ءِ ارزانی ءَ پهمگ ءُ شر
بُوَگ یا نه بُوَگ ءِ تپّاسگ، گی٘گ کنگ ءُ ایمنی ءِ برجاه دارگ ءَ گنجیں وڑے ءَ
جْوان زانگ بوتگ اَنت۔ البته کرپشن چو سیاست ءِ یک مهکمیں شکلے ءَ ماں پاکستانی
سیاست ءُ آئی ءِ اِستانی ادارهاں روچءمروچی مانَگا اِنت، ءُ ھمے په سِوِل سوسائٹی
ءَ برجاهیں بُنکی جیڑهے۔ کرپشن ماں پوسٹ کالونیل راجماناں اَنچوکه ماں پاکستان ءَ
ھم گچینی وڑے ءَ یکتاه (unique) اِنت اِدءَ
کرپشن ءِ نه ڈوبارگ بلکیں واه واه کنگ ءِ کد ءُ درجه ھست، بلکیں (مئے گْورا) کرپشن
ءِ راجمانی تبءُڈؤلے ھست اِنت۔
پاکستان ءِ مستریں اینٹی کرپشن آرگنائزیشن ءِ پی٘سریگیں
چیرمین ءِ رِد ءَ کرپشن ءِ سبب ءَ اِستان مدام دوّازده بلین کلدار تاوان وارت۔ داں
انگته فیڈرل انوسٹی گیٹ ایجنسی (ایف آئی اے) ءَ یک ھم نوزده گریڈ ءَ بُرز ءِ
افسرے نه میاربار کُتگ ءُ نه سزا داتگ[2]۔ زاناں چه اے وڑیءَ اے اشاره نه
رَسگ ءَ اِنت که کرپشن سرکار یا اِستان ءِ درجه ءَ چه گیشتر ءُ مستر، ربی٘دگ ءُ
راجمانی درجه ءِ جیڑهے؟ اے گپ ءَ ما چِد ءُ گیشّتر اے وڑ زانت کنیں که دْراه جوڑشتی
نچینبندی نوک آزات بوتگیں کالونیل اِستان ءَ دست گپتگ اَنت که اے ھندی (local) زندمان ءُ راجمانانی جهگیری ءَ ھچ وڑ نه
کننت[3]۔ اے گپّانی جْوانیں وڑے ءَ
تپّاسگ پد اے آسرال ءِ کشگ ءَ ما رَد نه بَئیں که ماں پاکستان ءَ دادرَسیں رھبند
ھما وڑیں که فکرے داریت، اِشی ءِ ءُ راجمان ءِ سَنچابندی (formation) ءِ میان ءَ یک گچینی ناھمسنگی یے ھست۔
اے گپ وَ پیداور اِنت که کانونی ءُ راجمانی جوڑشت ءِ میان
ءِ ناھمسنگی چونائیا یک کسانیں جیڑهے نه اِنت۔ اِدءَ اے درگتءَ جْوانیں وڑے ءَ گپ
نه بیت، پرچاکه اے نبشتانک تهنا کرپشن ءِ لهتے گچینی تهراں چاریت ءُ تپّاسیت۔ اے تهر
گچینی وڑے ءَ راجمانی ءُ کانونی جوڑشت ءِ وت ماں وتا نه ٹَهَگ ءِ تچکیں کشءُچِیل
اَنت۔
پاکستانی رھبندانی رِدءَ کرپشن یک جُرمے لیکگ بوتگ۔ اے
درگتءَ کرپٹیں افسر ھرجاه سزا کرزنت۔ پاکستانی رھبندانی تها کرپشن ءِ چارگ ءُ
تپّاسگ ءِ یک زَبریں تپاوتے ھست۔ البته راجمان (بگندئے کرپشن ءِ دُراهیں کاراں
راست مه گْوشیت، بلئے) آ لوٹیت که کرپشن ءِ لهتے گچینی کاراں راست به لیکیت۔ اے
وڑا آ لهتے وھداں کرپشن ءِ بُوَگ ءَ جائز گْوشیت ءُ پیش داریت۔
په ھمے گیشّی٘نتگیں التزام (incongruity) ءِ دیما آرگ ءَ اے نبشتانک چو اے وڑا نویسگ بوتگ که اولی بهر ءَ
سیاسی کرپشن ءِ فکر ءِ لیکهی بنیادانی سرا گپ بیت که پاکستان چه روچءازل ءَ سیاسی
کرپشن ءِ ھمے فکر ءِ وارس اِنت۔ دومی بهر ءَ ماں پاکستان ءَ اینٹی کرپشن لاء ءِ
بُندپتری جوازه (approach) زُورگ بیت۔ پدا اے لاء سیاسی
کرپشن ءِ شاهگانیں پُشدر ءَ تپّاسگ بنت۔ سی٘می بهر ءَ پاکستان ءِ راجمانی، سیاسی
ءُ کانونی رَبی٘د ءِ درگتءَ نسلی بهرءُبانگی ءِ اسَرانی سرا تِران بیت، ءُ اے گپ
گیشّی٘نگ بیت که چون اے اسرانی پَد ءَ کرپشن ءِ پلامرزی ءَ یک مڑاهداریں نگاهے
رستگ ءُ دیما اَتکگ۔ آسرال ھمیش بیت که کرپشن ءِ چارگ ءُ تپّاسگ ءِ رِدءَ راجمانی
ءُ کانونی رَبی٘د ءِ میان ءَ یک جنگے بنا بوتگ۔
سیاسی کرپشن ءِ لیکھی بُنھِشت ءُ پجّار
چونائیا وَ مئے گْورا کرپشن ءِ یک گیشِّتگیں پجّارے نیست[4] بِلّے که کرپشن چه زمانگاں ھست
اِنت،[5] اِشی ءِ نشان یکے وَ ناوش اَنت[6] ءُ دومی تاوان دارنت ءُ اِشی
ءَ (ماں زندمان ءَ) جُهلانکی ءَ جاه کُتگ[7]۔ پدا ھم ما یک سرجم ءَ گیشِّتگیں
پجّارے ءِ ٹهینگ ءَ سوبین نه بوتگیں که آ پجّار ءَ کرپشن ءِ وڑ وڑیں جُورانی سرا
یک ھساب ءَ کار به بندیں ءُ ربی٘دگ ءِ زاھریں راستی ءَ شاهگانیں وڑے ءَ پَد جت به
کنیں[8]۔ جوٛنسٹن گوں تُرندی ءَ گْوشیت
که انگته کس ءَ کرپش ءِ یک تچکیں پجّارے نه ٹَهَی٘نتگ که جهانی رِدءَ مارا دلجم به
کنت، منی جند ھم اے کار ءَ کُت نه کنت[9]۔
اے پیداور اِنت که کرپشن ءِ جتاجتائیں مانا اے اشاره کننت که
کرپشن یک اَنچیں اکس یا چیدگے که اے دگه لیکه یا ماناھاں بیان کنت، بلئے پدا ھم اے
تْرپل ءُ ھُورک اِنت[10]۔ سما بیت کرپشن یک شِدّتیں ءُ
امبیر بوؤکیں گالبندے ءِ ھساب ءَ پهمگ بیت، اَنچوکه بےکانونی (illegality)[11] بزاں وتی ڈُبّا ءَ پیلو نه
کنگ[12]، رواج گپتگیں رھبندانی مان
نیارگ[13] ءُ بگیری کنگ[14] سرکاری دپتر ءَ په وتی جند ءِ
مُولّ ءَ کارگِرگ[15]،
کسے ءَ بےاوست کنگ،[16] تاکت ءِ رَدیں وڑے ءَ کاربندگ،[17] نابرابری،[18] اُلُسی پرواه ءَ تاوانبار
کنگ،[19] پبلک پالیسی یا معاشی ھالتاں
چو یک مراسایے ءَ تهنا په وتی نپ ءِ گیشی ءَ ءُ مهلوک ءِ رَد دَیَگ ءِ پَد ءَ کارے
ءِ کنگ[20]۔ اے دُراه شِدّتیں ءُ امبیر
بوؤکیں گالبندے ءَ پهمگ بنت۔
اے نبشتانک کرپشن ءِ لهتے گچینی تهرانی سرا ھیال ءَ گْور
کنت که سرکاری دپتر په وتی جند ءِ مُول ءَ رَدیں وڑے ءَ کاربندگ بوتگ اَنت[21]۔ (چونائیا) کرپشن ءِ گیشّی٘نگ
ءِ یکرِدیں، ھمشلیں ءُ کارامدیں پجّار ھمیش اِنت[22]۔ وتی جند ءِ مُول ءِ پیلو
کنگ، شاهگانیں وڑے ءَ اے وڑا بیان بیت که آئی ءِ تها زَرّ ءِ بدل، وتی کهول، سنگت
ءُ نسلی کمیونٹی ءَ زَرّ ءُ بےزَرّیں کمک، کانونی ءُ بےکانونی ھر دو رِدءَ سیاسی
پارٹی ءُ راجمانی گروپے ءَ فائده مند کنگ۔ بلئے اِدءَ کانونی ھم کرپٹ پهمگ بیت۔
ما اے راستی ءَ شریں وڑے ءَ سرپدیں که اے پجار چه بازیں
فکری مکتبانی نیمگا راه بُریں نگد ءِ زدءَ بوتگ۔ یکے وَ اے پجار ءِ سک باز ساده
بُوَگ ءِ سبب ءَ اے کس ءَ الکاپ ءَ نه منِّتگ، بلکیں اے مردماں پمیشکا رَد کُتگ[23] که وھد ءِ ھساب ءَ اے پجّار
نِزور اِنت[24]۔
چِد ءُ مستریں جنجال اِش اِنت که اے مانگیشِّتگیں پجارے۔[25] اے وڑا کرپشن ءِ کاربندگ ءَ
شاهگانی نه مانیت، بلکیں اے نَز آیان بیت[26] ءُ په کرپشن ءِ ھمسریں شکلانی
زانگ ءُ تپّاسگ ءَ اے جْوانیں وڑے ءَ کاربندگ نه بیت[27]۔
کرپشن ءِ اے پجار بِلّے نگد ءِ زدءَ اِنت۔ بلئے اے پجّار
اَنچو مانگیشِّتگ که وتی گیشّءُگیواری ءِ ھساب ءَ ماں پاکستان ءَ کرپشن ءِ شاهگانی
ءِ پهمگ ءِ درگتءَ راجمانی آرگنائزیشن ءُ کانونی نچینبندی ءِ میان ءِ کشءُچیل ءِ
پَدر کنگ ءَ (مئے) رھشونی ءَ کنت۔
ما سرپدیں که کرپشن یک رنگے نه داریت بلکیں باز رنگ ءَ
اِنت۔ چونائیا وَ کرپشن دائم اے وڑا پَرکءُپی٘ر بیت که اے کسانیں کرپشنے یا مزنیں۔
کرپشن رشوت، بتّاگِری (extortion) یا وتی نپ ءِ
گیشّی ءِ درگتءَ مهلوک ءَ رَد دَیَگ ءِ رنگ ءَ اِنت۔ کرپشن انسانی کردانی یک ھدے
ءَ گیشّی٘نگ ءَ ھم جُوربند (categorize) بیت، اَنچوکه اے انسانی کرد سیاسی، کاروباری ءُ ملٹری اَنت۔
کرپشن ءِ تپاوت کنگ ءِ رھبندے اِش اِنت ھم که اے په معاشی ردوم ءَ تاوان دارنت یا
فائده مند اَنت۔ (بلئے) اے نبشتانک ءَ کرپشن چو یکرِدیں (general) گالبندے ءَ زُورگ ءُ اِشی ءِ
بابت ءَ تْران کنگ بیت که ھمیشی ءِ بنیاد ءَ ما راجمانی زندمان ءُ کانونی رَبی٘د
ءِ میان ءِ کشءُچیل ءَ به تپّاسیں۔
اے نیّت ءَ کرپشن ءِ شاهگانیں بیان ھمیش بیت که (کسے)
سرکاری دپتر ءَ په وتی جند ءِ مُول ءُ فائده ءَ کار به بندیت[28] ءُ ھمے بیان راجمانی زندمان
ءُ کانونی رَبی٘د ءِ میان ءِ کشءُچیل ءَ مئے دیما پدر کنت۔ اے وڑا ما سیاسی کرپشن
ءَ ھمودءَ شُناسیں که اُودءَ سرکاری افسر ھما اوست ءِ پْروشگ ءَ مشکول اِنت که
آئی ءَ ھم اے اوست مهلوک ءَ داتگ[29]۔
ھما زانتکار که کرپشن ءِ زانشی تکءُپهناتانی چارگءُتپّاسگ
ءَ بلد اَنت آ تپاک کننت که ماں ھستیں وھد ءَ سیاسی کرپشن ءَ مهکمیں بنیاد
چونائیا لبرلزم ءِ جمهوری ادارهاں داتگ[30]۔ لبرل راجماناں پی٘ش کرپشن ءِ
مانا اَت زوال۔ اے زوال یک اَنچیں فکرے اَت که انسانی زند ءِ تها اگاں گون کپیت،
گڑا انسانی زند زوال بُوَان بیت[31]۔ بلئے آیاں کرپشن بندات ءَ
اے وڑ نه پهم اِتگ که چه اِشی ءَ اُلُسی زندمان تاوانبار بیت[32]۔ ماں لبرل زمانگءَ پی٘ش بزاں
ماں میانیں دؤر (medieval period) ءَ رشوت یا رشوت ءِ برابریں
گالبندے ھم نه بوتگ۔[33] مئے اے گپانی راست بُوَگ ءِ
گْواهی ءَ سیاسی ءُ کانونی بُندپترزانت ھاروے ([34]Harvey) ءُ براٹسس (Bratsis) ھم دینت۔
البته اے گپ ءِ سرا کواسانی میان ءَ ناتپاکی ھست که ذاتی ءُ
اُلُسی ھدءُدر ءِ پَرک چونائیا ھستیں دؤر ءِ پیداک کُتگین اِنت۔ بُرُس بُچان (Bruce Buchan) دلیل دنت که سرکاری دپتر ءَ په وتی جند ءِ
فائدهے ءَ رَدیں وڑے کاربندگ، ماں کْوھنیں یونان ءُ رومن راجمان ءَ ھم مزنیں جیڑهے
اَت[35]۔ ھمے گپ ءَ دیما بَران ءَ ھل
(Hill) ھم زور پِر دنت که یونان ءُ رومن
جاھمننداں یک وڑیں تپاوتے اُلُسی ءُ ذاتی زندمان ءِ میان ءَ ٹهی٘نتگ اَت[36]۔
اے نبشتانک پدا گْوشیت که کْوھنین ءُ کلاسیکل دؤر ءَ ھم
ذاتی ءُ اُلُسی فائده ءِ میان ءَ گیوارتے بوتگ، اگاں یکرندے ھم اے چو مزنیں سیاسی
ھمدپی ءُ ھمسنگی ءِ بهرے ءِ ھساب ءَ تپّاسگ به بنت گڑا اے گپ شریں وڑے ءَ وت
گیشّیت که ھستیں دؤر ءِ گیوارت چه ساری ءِ دؤرئیگاں بی٘رگءَ جتائیں دنیایے داریت۔
بُندپتری رِدءَ ذاتی ءُ اُلُسی ءِ میان ءِ دَرز (gap) چو ساپ نه بوتگ اَنچوکه ماں انگلینڈ ءُ فرانس ءَ ھژدھمی کْرن ءِ
بیرگیں ھاکمی ءِ پاؤر ءِ ھدءُبندانی درگتءَ ھستیں دؤر ءِ گیوارت ساپ اِنت۔[37] سیاسی کرپشن ءِ فکر لیکهی ءُ
بُندپتری پُشدر ءَ گوں لبرلزم ءِ تها مانیت۔
ھستیں دؤر ءِ سیاسی کرپشن (ءَ بچار که آ) اُلُسی ءُ ذاتی
ءِ بهرءُبانگی ءَ ردوم ءُ سوبمندی ءَ میان ءِ سیادیانی درگتءَ ارزشیں چیزے سرپد
بیت۔ اے رِدءَ ھما ھدءُبند که ذاتی اَنت، آ په سیاسی کرپشن ءِ بُنجاه ءَ زُورگ
بنت۔ چونائیا اے دوبهری (dichotomy اُلُسی ءُ ذاتی) په ھر وڑیں سیاسی کرپشن ءَ بنیادی زانگ بیت۔
چِدءُگیش ھمے دوبهری کانونی ربی٘د ءَ یک لیکهی بنیادے بخشیت ءُ دادرَساں (Jurists) کمک کنت که آ کرپشن ءَ یک ناروائیں کارے
سرپد به بنت[38]۔
اے ھمشلیں کمک ءِ رِدءَ کرپشن چو یک جُرمے ءَ شناس کنگ بیت، بلئے پدا ھم ھما گیوارت
ءِ کساس ءَ گوں کرپشن ءِ کد ءُ درجه کَی٘ل کنگ بنت[39]۔
سیاسی لیکه ءِ نگدی چکاس اے گپ ءَ گیشّینیت که اُلُسی
ھدءُدر چونائیا مُچانکی (collective) گْوشگ ءُ تپّاسگ بنت، البته ذاتی نفری (individual) لیکگ بنت ءُ پدا تپّاسگ بنت[40]۔ راست اِنت که مچانکی بیدء نفراں نه مانیت۔ اے وڑا اے گپ ءِ یک مانایے وَ ھمیش
اِنت که نفر مُچانکی ءَ چِنءُبرچِن اَنت۔ چونائیا ھر یک نفرے وت وَ مُچانکی نه
اِنت بلکیں یک ’ذاتے‘ (که انگریزی ءَ private individual گْوشگ بیت) ۔ مُچانکی ھمشلی ءَ گوں بیدء بدلی ءُ سَدلی یے ءَ ھمے
’ذاتانی‘ اُلُسی پرواه ءَ بندوک بنت۔ نفر په ذاتی فائده، زور ءُ اسَر ءِ درگتءَ یک
دومی ءَ گوں پمیشکا دیم په دیم بنت که په وتا چیزے دست به گِرَنت۔
لبرل ڈیموکریسی ءِ دیما آیگ ءَ گوں مچانکی سِنچ ماں نیشن
اسٹیٹاں جْوانیں وڑے ءَ زاھر بوت۔ پدا سرکاری ادارهاں اے سِنچ رکینت۔ لیکهی رِدءَ
سرکاری اداره ذاتی ادارهاں چه شرتر بوت کننت پرچاکه ذاتی اداره وتا وت جوڑ کننت[41]۔ داں ھدے ءَ سرکاری دپتر
کانونی ءُ مڑاهداریں بستارے پمیشکا دارنت که ناسازیں ساھتانی گیشّی٘نگ ءِ درگتءَ
ذاتی ادارهانی کمک ءَ به کننت۔ بلئے وھدے یک سرکاری دپترے وت کرپشن ءِ تها مانشردگ
به بیت، اَنچوکه بالابندی (patronage)، رشوت، بتّاگِری یا دُزی ءَ گون به کپیت، گڑا وَ اُلُسی گهبود ءِ
جند ڈالچار بیت[42]۔
په سرکاری دپتر ءَ بایَد اِنت که آ پَلّو ءُ
ذاتی مه بیت۔ اگاں به بیت گڑا اُلُسی فائده ءِ رکینگ ءَ ھچ ھذمت کُت نه کنت۔ سیاسی
بےپلّوی ھما ساھتاں گیشتر بیت، وھدے اِستانی جوڑشت ءُ کانونی رَبی٘د ءَ جائز بُوَگ
ءِ جواز چه ساری ءَ ھستیں مچانکی پجّار ءُ فائدهاں به رَسیت۔[43] بےپلّوی چونائیا سیاسی ءُ
بندوبست (administration) ءِ جتاجتائیں وڑے ءَ کار کنگ ءَ
گوں مانیت۔ بلئے اے بیان ھم سیاسی بالابندی ءُ سیاسی سُرءُپُراں ڈامیچ کُتگ۔ ھمے
وڑیں ساھتاں ماں دپتر ءَ گْران ءُ سنگینی ءَ گوں اُلُسی کارانی چارگ ءُ په وتی نام
ءَ کارے ءِ نه کنگ ءِ درگتءَ گیشی ھم اَتکگ[44]۔
ھِند ءِ
پُرشگ ءِ زمانگ ءَ، پاکستان ءَ برٹش انڈین کانونی رَبی٘د ءُ سیاسی کرپشن ءَ گوں
ھمگْرنچیں فکر زُرتگ اِتنت۔ برٹش ءِ سیاسی کرپشن ءِ بنیاد چونائیا ذاتی مُول ءُ
اُلُسی پرواه ءِ بهرءُبانگ بُوَگ اَت۔ اے چیزانی سبب مانگیشِّتگ اَنت ءُ پمیشکا پهمگ
نه بُوَگا اَنت که چونائیا ماں پاکستان ءِ گچینی دمگاں راجمانی زندمان مهکمی ءَ
گوں ھچ وڑیں ذاتی ءُ اُلُسی بهرءُبانگی ءَ نه منّیت۔ اے زندمان چوشیں راجمانی
دولتے ءِ جم کنگ ءَ سوبین نه بوتگ که اے دولت ءَ په یک گچینی مولءُمراد ءِ رِدءَ
جاگهے ءَ به جنت که په وتا مزنیں نپے به کٹیت۔ چوکه آئی ءَ چوشیں آزمودگے نیست
اَت پمیشکا په آئی ءَ لازم نه بوتگ که کرپشن ءِ چارگ ءُ تپّاسگ ءِ درگتءَ کانونی
رَبی٘دے ءَ گوں ھمگْرنچ به بیت۔ اے وڑیں نوبتاں پاکستانی راجمان ءِ لهتے گچینی بهراں
آئی ءِ اینٹی کرپشن کانونانی سرا زور پِر دات که دِگه جتا ءُ گهتریں راه بُه
شوھازنت۔ اے وڑی ءَ سِوِل سوسائٹی پدا مزنیں وسواسے ءِ دیمپان بوت۔
کالونیل میراس، پاکستان ءِ کانونی ربی٘د ءُ سیاسی کرپشن
ھستیں وھد ءَ په یک مُلکے ءِ کانونی ءُ سیاسی ربی٘د ءِ زانگ ءِ درگتءَ آئی ءِ
بُندپتر ءُ ربی٘دگ جْوانیں ارزشتے دارنت[45]۔ نوکیں پولکاری ءِ وزم
چونائیا ساری ءِ پولکاریانی نِزوری ءِ سبب ءَ رُستگ اَنت[46]۔اے نبشتانک ءَ بُندپتری رِدءَ
آزگیں نکتهے پاکستان ءِ کانونی ربی٘د ءِ درگتءَ زُورگ بیت۔ ھمیشی ءِ بنیاد ءَ اے
شُناسگ بیت که کالونیل میراس ءَ په پاکستان ءَ بنداتی جوڑشت ءُ ربی٘دے فکری مَد ءَ
گیشّی٘نتگ ءُ داتگ۔
برٹش امپریل بُندپترنویساں انڈین بےدود، جنگلی، وکشی ءُ کم
ذات گْوشتگ اَنت۔ اے نگاه ءِ سبب ءَ بازیں زانتکاراں کالونیل ھاکم اے وڑ چارِتگ
اَنت که ھمے ھاکمانی مِنّت ءَ ھِند ماڈرن زندمان ءِ دَر ءَ رستگ[47]۔ ھمیشی ءِ رِدءَ زندمان ءِ
ذاتی ءُ اُلُسی ءِ تها بهرءُبانگ بُوَگ چونائیا ماڈرن بُوَگ ءِ بنیاد اِنت که په
یک گچینی مولءُمرادے ءِ گِرَگ ءَ جْوانیں مراسایے ءَ گوں کار سازگ بوتگ اَنت۔ اے
رِدءَ ھمے بهرءُبانگی بُنکی ارزشتے داریت۔
اے بیان ءَ آدیم، اے الزام ھست که کالونیلزم ءَ په ھِند ءَ
پُلپانچین (exploitative) ءُ نسلپرست (racist) بُوَگ ءَ ھوار وتی فوجی زور ءَ گوں ھِند ءِ
راجمانی رھبند مان نیاؤرتگ اَنت۔ ھمے وڑا آئی ءَ ذاتی ءُ اُلُسی دارءُمدار ھم
ھساب ءَ نیاؤرتگ اَنت۔ کالونیل اداره به بنت یا کانون دُراه ذاتی ءُ اُلُسی بهرءُبانگی
ءِ بنیاد ءَ برجاه اِتنت[48]۔
بیپاری ءِ ھُکم ءَ گوں برٹش ماں ھِند ءَ یک سیاسی ھاکمے جوڑ
بوتگ۔ اے درگتءَ برٹش سرکار ءَ انڈین پینل کوڈ 1860، کرمنل کوڈ آف کنڈکٹ 1861،
پِریونشن آف کرپشن ایکٹ 1889 ءَ ھوار بازیں کانونے په انگریزانی دادرس یا آمودی
ربی٘د ءَ دیما آؤرتگ اَت۔ لیکهی بنیاد ءَ اے کانون ءِ ھاکمی، ایمنی ءِ مانزمانی،
آزاتی ءُ برابری ءِ لازم کنگ ءِ درگتءَ گوں زورے ءَ دَیَگ بوتگ اِتنت۔ بلئے په
کارءُکِرد ءَ کانون چو سِلاهے ءَ په یوریاگرانی پْروشگ ءُ بےگُشاد کنگ ءُ په وتا
مزنیں دولتے ءِ گِرَگ ءَ روا کنگ بوتگ اِتنت[49]۔ گپ ءِ مانا اِش اِنت که
سیاسی ھاکمی اُلُسی ھاکمی زانگ بوتنت که برٹش ءَ وتی فائده ءُ برٹش ءِ (افسراں)
وتی جند ءِ فائده ءَ رَدیں وڑے ءَ کارمرز کُتگ اِتنت۔
آزاتی ءَ پد پاکستان ءَ نه تهنا برٹش ءِ کانونی ربی٘د
میراس ءَ زُرتگ اَت بلکیں برٹش ءَ ھیل داتگ ءُ تیار کُتگیں زورآوریں بیوروکریٹس
ءُ ھزگاراں ھم برٹش ءِ اداره وتی میراس کُتگ اِتنت که آ په برٹش ءَ ھذمتکار اِتنت[50]۔ پدا ھم په نوکیں پجّارے ءِ
رِدءَ پاکستان ءَ لهتے کانونانی نام بدل کُتگ اِتنت۔ اَنچوکه انڈین پینل کوڈ ءِ
نام پاکستان پینل کوڈ کنگ بوت۔ پِریونشن آف کرپشن ایکٹ نوکازگ (update) ءَ گوں پِریونشن آف کرپشن ایکٹ 1947 کنگ
بوت۔
ھیرانگی ءِ گپ اِش اِنت که نه پاکستان پینل کوڈ ءِ سیکشن
161 تا 165، نه پِریونشن آف کرپشن ایکٹ ءِ سیکشن 4 ءِ تها کانونانی رِدءَ کرپشن
گیشّی٘نگ بوت۔ پدا ھم بازیں چوشیں گالبند [اَنچو که کیلّی (cheating)، بیسه ءِ پروشگ یا دْروهگ یا رَدیں وڑے ءَ په وتا چیزے گِرَگ]
ھما وڑا که ساری ءِ کانونانی تها ھست اِتنت، ھما وڑ زُورگ بوتنت۔ بلئے ما سرپدیں که
بِلّے کرپشن بُرز ءِ داتگیں گالبندانی ماناهاں کارمرز بوتگ، پدا ھم اے کرپشن ءِ
راستیں مانا ءَ نه دینت۔ پرچاکه کرپشن ءِ بیان کنگ ءِ تب چه آ گالبنداں نه تهنا
جتا اِنت بلکیں کَمُک ءَ اوں دپ نه وارت[51]۔ اگاں ما چیزاں شَرّی ءِ سرا
یک په یک ءَ مه چاریں ھم، پدا اوں ما گندیں که کرپشن ءِ لبز ءَ ماں پاکستانی
کانوناں جاگه کنگ ءَ، پنجاه سال ءَ ودار کُتگ۔
کانون ءِ رِدءَ وھدے کجام ھم کرپشنے ءِ سرا گپءُتْران بیت،
گڑا آ یک فکری رھبندے په وتا زُوریت ءُ لهتے بنیادی گُمان داریت۔ پاکستان ءِ
کانونی ربی٘د گوں اے بنیادی گُمان ءَ کار کنت که ساری ءَ چه مهکمیں مُچانکی پجّارے
ھست که جتاجتائیں نسلانی مردماں یک قومے ءِ نام ءَ یکجاه کنت۔ نی٘شن اسٹیٹ ءِ اے
فکر په پاکستانی کانونی ربی٘د ءُ کانونانی پهمگ ءَ بنیادی اِنت۔ ما سرپدیں که
ماڈرن نی٘شن اسٹیٹ گوں یک سیاسی پرمانداری یے ءَ راجمانانی سرا ھاکمی ءِ درگتءَ په
یک قومے ءِ ردوم ءُ جوڑ کنگ ءَ ودی بنت۔
اے نبشتانک پاکستانی کانونانی تها اینٹی کرپشن ءِ تباں نشان
کنت که راجمانی زند ءِ ھدءُبندانی تها فائده ءِ رِدءَ کرپشن بندوک بیت۔ کانون ءِ تها
بُنجاهی گالبند سرکاری آفس ءُ سرکاری کاردار اَنت که یک قومے ءِ پُشدر ءَ پهمگ
بنت۔ اے وڑا یک قومے ءِ فکر، په لبز اُلُس ءِ زانگ ءَ مارا گیشِّتگیں وڑا چیزے ءِ
پهمگ ءُ فکری رھبندے ءِ دارگ ءِ درگتءَ بنیادے دنت۔
اینٹی کرپشن کانون ءِ رِدءَ اُلُس ءِ مانا اِنت مُچانکی۔ آ
کانون اے گُمان کنت که پاکستانی مهلوک ءِ میان ءَ، وتی پجّار ءُ شریداریں چیزانی
درگتءَ، ھمگْرنچ ءُ یکجاه بُوَگ ءِ جْوانیں سِنچے ھست۔ ما اے گپ ءَ سی٘می سیکشن ءَ
گیشّینیں که پاکستانی راجمان نسلی، لسانی ءُ فرقهی بنیاد ءَ بهرءُبانگ اِنت۔
بیا گچینی وڑے ءَ پاکستان ءِ اینٹی کرپشن ءِ کدراں چاریں۔
کانون ءِ نگاه چونائیا وَ اُلُسی کرپشن ءِ سرا سک اَنت، ءُ آئی ءِ ھیال ھم ھما
نیمگا گْور اِنت۔ پدا ھم پِریونشن آف کرپشن ایکٹ ءِ سیکشن 5 ذاتی کرپشن ءِ بابت
ءَ اِنت که یکرِد ءَ وَ اے وڑا شُناسگ بیت که پاکستان پینل کوڈ ءِ سیکشن 4 ھما
دپتری کاراں مان کاریت که کسے ءَ تاکت ءِ رَدیں وڑے ءَ کار بندگ ءُ دْروهگ ءِ سکین
ءَ دینت۔ ھیرانگی وَ اِش اِنت که آزاتی ءَ پد ھم کانون انگته یکشلا انڈین پینل
کوڈ ءُ برٹش کوڈ آف کرمنل پروسیجر 1889 ءَ دیم ءَ ایر کنت ءُ اے دگه کاراں
گیشّینیت[52]۔
پاکستان پینل کوڈ ءُ پِریونشن آف کرپشن ایکٹ چِدءُشرتر ءُ
گچینی وڑے ءَ آئی ءِ سیکشن 161 ءَ بِه گر داں 171 ءَ به چار۔ اے سیکشن رشوت،
تماشا کنگ، تاکت ءِ رَدیں وڑے ءَ کاربندگ ءِ بابت ءَ اَنت، البته اے سیکشن اے جیڑه
ءَ ھم چارنت که یک مردمے یا گَلے کارامدیں وڑے ءَ زَرّ، چیز، جاهے ءَ کارکنوکیں
مردم یا اے دگه چیزانی مڈّیاں جاهے ءَ سر کنگ یا امبار کنگ ءِ درگتءَ چون رَدیں
وڑے ءَ کار گِرَگا اِنت۔ چونائیا اے وڑیں دُراهیں کار کرپشن ءِ مانا ءَ زُورگ بنت۔
بلئے چوشیں گالبندے نیست که بُرز ءِ گْوشتگیں کار ءُ کرپشن ءَ یکرِد ءَ به
گیشّینیت۔ آں! 1997 ءِ احتساب کانون ءِ سیکشن 3 ءِ رِدءَ کانون ءَ کرپشن ءُ
کرپٹیں کار مزنیں مُدتے ءَ پد آ ھم گُڈسرا مان کنگ بوتگ اَنت۔ اے کاراں ابید،
کانون ءِ تها دگه ھچ جْوانیں ءُ گچینی بدلی یے کنگ نه بوتگ۔ ابید چه یک جتائیں
گَبَندے (clause) ءَ که چو مه بیت ماں الیکشن ءَ
مردم یا گَلے په وتی فائده ءَ چیزاں چه ساری ءَ وتی پلّو ءَ رَدیں وڑے ءَ به ٹهینیت۔
کانون ءِ تها بس ھمے گَبَند ءِ رِدءَ گچینی وڑے ءَ کمے بدلی یے بوتگ۔ ھیرانگی آ نه
اِنت بلکیں اِش اِنت که اے ایکٹ ءِ تها ھم چو آ دگه کانونانی وڑا کرپشن ءِ
جند نه گیشِّتگ که کرپشن چی یے ءُ چی نه
اِنت۔
ماں 1999 ءَ، ملٹری گورنمنٹ وھدے نیشنل اکاونٹابلیٹی
آرڈیننس ءَ آشکار کنت۔ گڑا ھمے آرڈیننس 1997 ءِ ایکٹ ءِ جاه ءَ گِریت۔ چه اے
آرڈیننس ءَ پی٘ش پینل کوڈ، پِریوِنشن آف کرپشن ایکٹ ءُ احتساب ایکٹ کسانیں وڑے
ءَ بیان کنگ بوتگ اِتنت۔ آ ھم پمیشکا که ماں پاکستان ءَ کرپشن سک گیش بُوَگا اَت۔
اے آرڈیننس ءَ لهتے نوکیں سیکشن مان کنان ءَ وتی کانونی ھُکمانی تاکت گیشتر کُتگ
اَت۔ چه اِشی ءَ اولی رَند ءَ اینٹی کرپشن ایجنسی اِینچو بوت که آ سیاسی
واکدارانی مزنیں دپارانی کرپشن ءَ پد به جنت، اَنچوکه مزن وزیر (prime minister)، سرمستر (president)، سروزیر(chief minister)، سرکاری کابینه۔ پدا ھم ملٹری
ادارهانی نام گپتگیں کرپشن تا روچءمروچی اندیم اَنت ءُ اینٹی کرپشن، کرپشن لاز ءَ دست
نه کپتگ اَنت۔
نوکیں سیکشن اَنچوکه 25-C, 15-B,
15-A ءُ 5 ءَ نوکیں سزا دیما آؤرت۔ اَنچوکه مردم
چه کار ءَ مَهتل اوں بیت ءُ بندیگ ھم بیت۔ ھرچند سیکشن 256 ءَ چیئرمین کجام ھم
بندیں یا سزاواریں مردمے ءَ چه دُراهیں چَٹیاں کَشِّت کنت اگاں آ په رزا وتی
کرپشن ءَ به منیت ءُ پُلِتگیں دُراهیں زَرّاں پدا به دنت۔
نوکیں رھبنداں ماں سیاسی زند ءِ ھمشلیں گردش ءَ لهتے ناروائیں
پلامرزی رستگ اَت، اَنچوکه سرکاری دپتر ءِ واھنداں وتی ناروائیں کاروبار کانونی
بنیاد ءَ پهریزِتگ ءُ ھمپاس کُتگ اَت۔ اے وڑیں کارگزرانی تها نیشنل اکاؤنٹابلیٹی
آرڈیننس ءَ 9-A-VII ءِ نوکیں
گَبَند ھوار کُت ءُ اے گْوشت که چه یک سرکاری کاردارے ءِ نیمگا ھر وڑیں ھُکمے که
آشکار بیت۔ ھمے ھکم ءِ تها آ وتی یا دگه یکے ءِ پلامرزی ءَ به کنت۔ اے وڑیں کار
ھم کرپشنے زانگ بیت۔ اے نْیام ءَ اگاں کسے ءَ کرپشن ءِ درگتءَ ھر جُستءُپُرسے که
بُوَگا اِنت، ءُ کسے ءَ ھمے جُستءُپُرس ءِ ترینگ ءُ ھراب کنگ ءِ درگتءَ چِستءُایر
کُت، گڑا آ مردم کرپٹیں مردمے زانگ بیت (Section 31A)۔
اَنچوکه اے گپ ما بُرز ءَ جتگ که کرپشن ءِ دُراهیں کانون ءُ
اے دگه رھبند انگته کرپشن ءِ گیشّی٘نگ ءَ سوبمند نه بوتگ اَنت۔ اِشاں بیدء کرپشن
ءِ بُنزهی گالبند ءِ گیشّی٘نگ ءَ (من) ھیال تهنا گچینی کرپٹیں کارانی سرا گْور
کُتگ۔ اے وڑا ما اے گْوشت کنیں که آیانی رھبند کرپشن ءِ گیشّی٘نگ ءِ درگتءَ
کارامد اَنت۔ بلئے په کرپشن ءِ گیشّی٘نگ ءَ آیاں چوشیں رھبند نه زُرتگ اَت که
گچینی چیز، مردم یا کلاسے ءَ گوں ھمگْرنچ مه بنت بلکیں په ھر کس ءَ به بنت[53]۔ یک بےتواری یے که سرجمیں
راجمانے گپتگ، اِشی ءَ پد ھم کانون ءَ تهنا ھما ایکٹانی بابت ءَ گپ جتگ که چه
آیاں لهتے یک وڑیں گچینی سِپت زاھر بوتگ اَنت که اِش اَنت۔ اول: کرپشن ءِ مانا
اِنت که دپتری کانون، رھبند ءُ کار ءِ ادب ءُ گَزراں مان نیارگ۔ اے وڑا ھُنرداری
ءُ کسبداری ءِ گَزَر وَ سرگْوز بنت ءُ مهلوک ھم دْروهگ بیت۔ دومی: دپتری کانون،
رھبند ءُ کار ءِ ادب ءُ گَزراں مان نیارگ ءِ پُشت ءَ وھدے نفراں ذاتی رِدءَ ناروائیں
پلامرزی یے رَستگ، چه اِشی ءَ اِستان ءِ زَرّ زوال بوتگ اَنت۔ اے کانون گُمان کنت
که کُجام ھم کُرتن (act) که دپتری کاراں په ذاتی فائده ءَ چیرءُاندر ءَ نِزور کنگا اِنت
ءُ سرکاری دپتر ءِ زیان تچک ءَ اِستان ءِ ھزانگ ءَ نِزور کنگا اَنت، اے وڑیں کُرتن
کرپشن زانگ بیت۔
چونائیا اِشی ءِ ارزش نیست، پرچاکه کانون کُجام ھم مَد ءَ
اُلُسی فائده ءِ درگتءَ گپ نه جنت۔ البته آرڈیننس کرپشن ءِ هفت کاراں نشان کنت که
اے چیز آئی ءَ چه پاکستان پینل کوڈ ءُ پِریونشن آف کرپشن ایکٹ ءِ سیکشن 9 ءَ
زُرتگ اَنت۔ پدا ھم دُراهیں ایکٹ بیرگءَ سیاسی بنیاد ءَ بیان کنگ بوتگ اَنت که اے
درگتءَ اُلُسی پرواه وَ ھچ وڑا دیما ایر کنگ ءُ چارگ نه بوتگ۔ اے کانون ءِ پُشدر
ءَ ابید سیاسی کانوناں ھچ چیز ءَ چو الکاپ ءَ جاگه نه کُتگ؛ ءُ اُلُسی پرواه چه
کانونی ربی٘د ءَ کامل ءَ ڈن دارگ بوتگ۔ چه اِشی ءَ اے سما بوت که کرپشن یک جُرمے که
اُلُسی فائده ءَ تاوانبار کنت ءُ ھما دولت ءَ دُور بارت که اِستان ئیگ اَنت۔
انوگءَ سپریم کورٹ آف پاکستان ءِ ھُکمانی رِدءَ مُلک ءِ
وتی جوڑ کُتگیں 1973 ءِ آئین ءِ رِدءَ اینٹی کرپشن لاء دوبر گیشّءُگیوار کنگ
بوتگ۔ ھمے ھُکماں گوں ما کالونیل نشاناں ھلاس کُت کنیں۔ (بلئے) ما ھمنچو آئین ءَ
گیش چه گیش به زانیں، ھمنچو ما گندیں که ذاتی ءُ اُلُسی ءِ درز گیش ءَ چه گیش
گیشّان بیت۔
آئین ءِ سرتْران (preamble) ءِ رِدءَ پاکستانی مهلوک اِنت که اے گپ ءَ گیشّی٘نت کنت که کے
سیاسی رِدءَ واک ءُ راست اِنت[54]۔ آئین ءِ رِدءَ سرکاری ادارهانی
ھژدری ئیں ڈّبّا اِنت که اُلُسی پرواه ءَ به رکین اَنت (بزاں) جمهوریت، آزاتی،
برابری، رواداری ءُ راجمانی داد ءِ دیمروی ءَ مردمانی دلبڈی ءَ به کننت۔ آئین
یکشلا اُلُسی پرواه ءَ دیما به کنت؛ ءُ اُلُسی ءُ ذاتی فائده ءِ میان ءِ پَرک ءَ به
گیشّینیت[55]۔
سرکاری ادارهانی سیاسی ءُ کانونی رِدءَ راست بُوَگ آئین ءِ ھسابءَ (ھم) ھمیش اِنت
که مهلوک ءِ ھذمت ءَ به کننت۔
ماں سپریم کورٹ ءَ سید ظفر علی شاه ءِ کیس (1999) که ملٹری
ءَ شهری گورنمنٹ ھلاس کُتگ اَت ءُ وتی ھاکمی برجاه داشتگ اَت۔ اے کیس ءِ رِدءَ
ملٹری ھاکمی چیلنج کنگ بوتگ۔ اِشی ءِ پَد ءَ اے گپ (شرتر) دیما اَتکگ که سرکاری ءُ
ذاتی ھدءُدرانی بهرءُبانگی ءِ پُشدر ءَ کرپشن وَ ھست که ھست[56]۔ (اے نْیام ءَ) سپریم کورٹ
کرپشن ءِ اَنچیں پجارے زُوریت که ھستیں دؤر ءَ گوں دپ وارت۔ چونائیا اُلُسی پرواه
یا راجمانانی سرا سیاسی ھالت ءِ مهربانی ھست اَنت ءُ اینٹی کرپشن لاز ءِ پیسریگیں
کانوناں اے نشان ھم کُتگ اِتنت۔ نوں الّمی اِنت که ھمے چیز سپریم کورٹ ءِ مشاھدهانی
وسیله ءَ دوبر گیشءُگیوار کنگ به بنت۔
اے گفت ءَ ھر کس شری ءِ سرا یات به کنت که دُراهیں فنڈ (ءُ
متاه) اِستان ءِ ھزانگ ءِ ھما زَرّ اَنت که چه مهلوک ءِ کیسگاں درآیگا اَنت ….آئین ءِ نگاه ءَ سرکار چو امانتدارے ءَ اے فنڈانی ھرچءُدرچ
ءِ درگتءَ اے جواب ءَ به دنت که اے زَرّ آئی ءَ کُجا ءُ چون کار بستگ اَنت۔[57]
ھما کرپٹیں کار اَنچوکه وتی زور ءُ تاکت ءِ رَدیں وڑے ءَ
کاربندگ یا کانونی دارءُمداراں ڈن زندگی کنگ- پاکستان پینل کوڈ ءِ سیکشن 161-165، سیکشن 4 ءُ نیشنل اکانٹابلیٹی آرڈیننس ءِ سیکشن ءِ رِدءَ نشان
کنگ ءُ جُرم گْوشگ بوتگ اَنت۔ اے کار اے درگتءَ جُرم نه گْوشتگ اَنت که ھُنردار ءُ
کِسبداری ءِ رھبنداں مان نیارنت که چونائیا اِستان ءَ په ھر کس ءَ لازم کُتگ اَنت۔
بلکیں اِشاں جُرم گْوشگ ءِ بنیاد اِش اِنت که اے مهلوک ءَ ھمود ءَ دْروهنت، ھمود
ءَ که مهلوک ءَ وتی بیسه بستگ۔ اے رنگ ءَ کرپشن ءَ بیان کنگ ءَ گوں اینٹی کرپشن
کانونانی تها ھمسنگی یے مانیت۔
گڑا نوں مئے گْورا کرپشن ءِ تپّاسگ ءِ یک کامل ءُ پارسنگیں
نگاهے ھست که آئی ءَ ما سی٘می بهر ءَ چاریں۔ چونائیا جَهل ءَ اے دلیل دَیَگ بوتگ
که سرکاری ءُ ذاتی
ھدءُدرانی بهرءُبانگی راجمان ءِ کُجام ھم یک پهناتے ءَ شُناسگ نه بوتگ اَنت که
سرکاری ءُ ذاتی ھدءُدرانی بهرءُبانگی چونائیا رسمی رِدءَ کرپشن ءِ چارگ ءُ تپّاسگ
ءِ بُنجاهی نگاه اَت۔ اُودءَ اِشی ءِ مانا اِش اِنت که کانون ءِ تها کرپشن ءِ مانا
اِنت مهلوکی پلامرزی ءِ رَدیں وڑے ءَ کاربندگ۔ بلئے مهلوکی پلامرزی ءَ په نسلی
رِدءَ چیزے ءِ رَسگ ءِ درگتءَ کاربندگ ءَ مردم یک رَدیں گامے سرپد نه بنت۔ ءُ ھر
کُجا اے سیاسی زند ءِ ھمے پهنات ءِ نیمگا مردمانی ھیال ءَ گْور کنگا اِنت۔ ھمے وڑیں
بازیں جاهاں راجمانی ءُ کانونی ربی٘د ءِ میان ءَ جنگے بنا بوتگ۔
راجمانی زند ءُ کانون ءِ نه ٹَھَگ ءِ بُنءُریشگ، ءُ سیاسی ءُ راجمانی سِستءُسِی٘د
ماں ذاتی ادارهاں سوگات دَیَگ چونائیا اَنچو ھوار بوتگ که نوں اے کار مزنیں ارزشے داریت۔ اے کار ءَ گْوشئے (مئے) گْورا الکاپ ءَ جاگه کُتگ که (ما) وتی سنگت ءُ وارثاں ٹھیکه یا نوکری بِه دیئیں۔ ماں پاکستان ءَ کسی گْورا اے گپ ءِ دانائیں جواز نیست که اے کار ءَ ماں سرکاری دپتراں مه کنت[58]۔
ماں راجمان ءَ مزنیں کساسے ءَ گیشِّتگیں ترزے ءِ رِدءَ
سُرپُرے ءِ پیداک کنگ ءِ سبب ءَ یک راجمانی ھالتے ساچگ بیت۔ اُودءَ ھم مهلوکی
پلامرزی ءَ په نسلی بنیاد ءَ چیزے ءِ رسگ ءِ رِپک ءَ نه تهنا راجمان دلبڈی دنت
بلکیں اے گامگیج ءَ اوں وتی کنت۔ بگندئے ھمیشی ءَ ما کرپشن ءِ مڑاهداری گْوشت
کنیں۔ اِدءَ اِشی ءِ متلب اِش اِنت که کرپٹیں کُرتن ءِ جائز بُوَگ ءُ گْوشگ ءِ
پُشدر چونائیا په سرکاری دپتر ءَ نشتگیں مردمے ءَ چه آئی ءِ نسلی گروپ ءِ نیمگا
رَستگیں پلامرزی اَنت۔
ویبر ءَ نسلی گروپ اے وڑ ا گیشّی٘نتگ که نسلی گروپ چو یک
انسانی لشکرے ءَ یک شریداریں سلسلهے ءِ تها اَنچیں ستکاں گوں ھمگْرنچ اِنت که تهنا
وتی یک وڑیں جسمانی ڈیلءُڈال یا رواج یا ھر دوئینانی سبب ءَ په ھمے گروپ ءِ مردماں
یک ھساب ءَ یک وڑیں مانایے دارنت، بلئے په ایدگراں نه دارنت[59]۔ اے نبشتانک ویبر ءِ ھمے لیکه
ءَ زُوریت۔
ما اولی مردم نَئیں که نسلی کومینی[60] (fractionalization) ءُ کرپشن ءِ پلهانی میان ءِ منِّتگیں وابستگی پَد جتگ اَنت۔ ایدگه
بازیں کوّاساں اے گپ دیما آؤرتگ[61]۔ پدا ھم چند نَدکارانی نِزّ
ءَ کرپشن ءِ درگتءَ نسلی کومینی مزنیں ارزشے نه داریت[62]۔
اولسرا ما اے گپ ءَ گیشی٘نگ لوٹیں که مئے بنداتی جیڑه کرپشن
ءِ بنیاد ءَ ھمے بےوابستگی اِنت که راجمانی زند ءِ گچینی بهر ءُ کانونی نچینبندی
ءِ میان ءَ ھست که ھمیشی ءَ به منارینیں ءُ دیما بیاریں۔ اے نبشتانک ءِ کار اے نه
اِنت که نسلی رنگ رنگی ءَ تیز رُدومیں کرپشن ءِ چوشیں چیزے بُه گْوشیت که ساری ءِ
گیشِّتگیں ترز ءَ گوں یکشلی یے مه داریت ءُ آیانی مهتاج مه بیت۔ ءُ نسلی رنگ رنگی
ءَ چه ای٘دگه چیزاں بِه سِندیت۔ ما اے گپ ءَ ھم زانگ ءُ شُناسگ لوٹیں که ماں
پاکستان ءَ کرپشن ءِ تیزیں رُدوم ءِ تها بازیں دِگه اِلّتانی ھم بهر گون اِنت که
اے درگتءَ بے ارزش نه اَنت۔ باز وڑ وڑیں بنداتی ھدءُبندانی میان ءَ اے نبشتانک
نسلی (ethnicity) ءِ سرا ھیال ءَ گْور کنت، ءُ اے
نبشتانک بایَد اِنت که راستی ءِ دیما آرگ ءِ درگتءَ مَنّگ به بیت که چونائیا ماں
ساؤتھ ایشین اسٹڈیز ءِ تها نسل ءِ کرد اَنچو مهکم اِنت که کس آئی ءِ دیما داشت نه
کنت۔
ماں راجمان ءَ نسلی پْرُشتءُپْروشی ءِ سبب ءَ پاکستان ءِ
کانونی ربی٘د راستیں وڑے ءَ نیشنل پجار ءِ درگتءَ ماں سرکاری دپتراں کردے پیلو
کنگا اِنت۔ مچانکی پجار بزاں پاکستانی بُوَگ ءِ فکر یک لیکهی بُنهشتے په ھما دپتر
ءُ آئی ءِ کارداراں دنت که آ گوں سنگینی ءَ پاکستان ءِ مچانکی سِیتءُنپانی ھذمت
ءَ کننت (آ ھم ھمودءَ که) اُودءَ یک نسلے ءِ مردم جاھمنند نه اَنت بلکیں بازیں
نسل ءِ مردم نشتگ اَنت، ھمے وڑیں جاهے ءِ دپتر ءُ آئی ءِ کاردار ’اُلُس‘ گْوشگ
بنت۔ پمیشکا پاکستان ءِ کانونی ربی٘د سرکاری دپترے ءَ آفیشلی چوشیں بستارے نه دنت
که یک ذاتے ءِ مارشتانی زَد ءَ بیئت۔ اے پجار زور دنت که سرکاری دپتر په ذاتی ءُ
نسلی فائدهاں کاربندگ مه بنت۔
بیا ماں پاکستان ءَ پجار ءِ سنچابندی (formation) ءُ راجمانے ءِ مردمانی په گچینی کارے ءَ
یکجاهی ءِ درگتءَ ھستیں ادارهانی بابت ءَ تْران کنیں۔ بلئے اے تْران ءَ گْونڈ
داریں۔ اے تْران مارا مئے ھما زانت ءِ بگی٘ر ءَ یک ربی٘دگی پُشدرے دنت که ھمائی ءِ
رِدءَ ما کرپشن ءِ نسلی ریشگاں پهمِت کنیں۔
اسٹریکر (Stryker)، بَرک (Burke) ءُ سرپ (Serpe) تپاک کننت که نفر ءُ ادارهانی پجار ءَ اَنچیں وڑے ءَ شکلے گپتگ که
آ نه راجمانی پُشدر ءَ گوں دپ ورنت ءُ نه ھمسنگ اَنت[63]۔ اے پجار نامهکمیں وڑے ءَ ھما
مانایانی نیمگا اشاره کننت چه آیاں اے گپ بیان بیت که آ کے اِنت؟ آئی ءَ ماں
راجمان ءُ ادارهاں کدی په وتا گچینی کِردے گپتگ، کدی یک گچینی گروپے ءِ باسک بوتگ
یا په وتا لهتے اَنچیں تبانی داوا ءَ کنت که وتا چو یکتاهیں انسانے ءَ پی٘ش به کنت
که وتی پجار ءَ گوں ھمے یکتاهی ءَ کنگ لوٹیت[64]۔
چونائیا پجار ءِ لیکه ءِ پَلگ ھمیش اِنت که (انسان ءِ کار
ءُ) کرد ءَ چه آئی ءِ پجار درکی٘ت۔ اے وڑیءَ ما گْوشت کنیں که سرکاری ملازم ءُ
پاکستانی مهلوک ءِ رَوِش الّمی اِنت ھما ماناهاں چه در بیئت که ھمایانی رِدءَ آ
وتا ءُ اداره ءَ بیان کننت۔ اَنچوکه سرکاری ملازمے ءِ ھساب ءَ کار کنگ ءِ درگتءَ
آئی ءَ پجار درکار بیت۔ مسالءگپ ءَ چو سرکاری ملازمے ءِ وڑا کار کنگ ءَ ھر یکے ءَ
ھمے وڑیں پجارے درکار بیت۔ ھمے نکته پجار ءِ لیکه ءِ بُنزه اِنت۔ وھدے پجار چه ھر
کرد ءَ پی٘ش ءُ ساری به بیت، گڑا پدا کرپشن کنگ ھما ھمگْرنچیں پجارانی پُشت ءَ بیت
که راجمانی جوڑشت ءَ رواج داتگ اَنت۔
ماں پاکستان ءَ راجمانی سنچابندی ءِ شاهگانیں پُشدر ءَ کهول
یک بُنکی ادارهے۔ کهولانی میان ءَ سْیادی یے نسل، زبان، پِرکه ءُ برادری ءِ بنیاد
ءَ (وَ چونائیا) ھست، (البته) اے درگتءَ کلاس (ھم) بازیں راجمانی گروپ ٹهینیت۔
اَنچوکه ماں پاکستان ءَ برادری دائم راجمانی سْیادیانی ساچگ ءَ کمک کنت[65]۔ چونائیا پاکستان ءِ سیاسی
سنچابندی ھژدری ئیں وڑے ءَ ءُ دائم برادری ءِ نشان ءُ ساھگ ءَ بوتگ،[66] ءُ سیاسی رِدءَ مردمانی
ھمگْرنچی ءُ مُچی مزنیں کساسے ءَ نسل ءِ نشان ءُ ساھگ ءَ اِنت[67]۔
په اے گپ ءِ زانگ ءَ که برادری ماں پاکستان ءَ چنچو مهکم
بوت کنت، اے درگتءَ ما زانتکارانی شاهگانیں پولکاری ءِ سرا ھیال ءَ گْور کنیں
اَنچوکه اختر (2013)[68]، ڈار ءُ موڈِلؔ (1988)[69]، وربنر (1990)[70]۔ اے زانتکاراں اے گپ نشان
کُتگ که ھما پاکستانی کهول که چه مُدتاں یورپ ءِ لبرل ءُ سیکولر چاگرد ءَ نشتگ
اَنت، آ روچءمروچی ھم چه برادری ءِ اسَراں آزات نه اَنت۔
(چونائیا) راجمانی سنچابندی ءِ درگتءَ زبان ھم مزنیں وسیلهے۔
ماں انالیٹک ٹراڈیشن (analytic tradition) ءَ زبان چو
دری چیزانی نام دَیَگ ءِ وسیلهے ءَ ھست اَت۔ ماں پاکستان ءِ ربی٘دگی ھالتاں مزنیں
کرد ءُ بُنجاهی بستار زبان ئیگ اَت۔ لسانی پجار راجمانی یکمُشتی ءِ درگتءَ جْوانیں
وڑے ءَ کار کنت ءُ ماں پاکستان ءَ سیاسی سفر ءَ ھالاں ھم سر کنت[71]۔ ماں لهتے دمگاں اداره ماتی
زبان ءِ بنیاد ءَ سنگتی، آروس، کهولی رَو آ، سیکیورٹی ءُ سرکاری نوکریاں گیشّی٘ننت
که کئی کار چی اِنت۔ اُودءَ نیشنل ادارهانی اسَر راجمانی زند ءِ مزنیں بهر ءُ
رسمانی سرا الکاپ ءَ ھست[72]۔ اے وڑا راجمانی ھالت سِستءُسِی٘د
ءِ آماچ بنت بلکیں مانگیشَّنت ھم وھدے یازده ءَ گیشّ نابرابر ءُ بگیریں لسانی
کمیونٹی یکجاه کنگ بنت ءُ اُودءَ گوں یک وڑیں کانونی ربی٘دے ءَ ھاکمی به بیت۔
ماں ساؤتھ ایشیا ءَ لسانی ءُ نسلی ھمگْرنچی چه نیشنلٹی ءُ
دین ءَ گیشتر مهکم اَنت۔ اے وڑیں نوبتانی تها مسلم نیشنلزم ءِ نام ءَ پاکستان ءِ
جوڑ بُوَگ بگندئے چیزے ءِ پهمگ ءِ درگتءَ مانگیشِّتگیں چیزے۔ بلئے آزادی ءَ پد
ھمے نیشنلزم که اِشی ءَ پاکستان ءِ جوڑ بُوَگ ءِ درگتءَ مشکلیں کردے پیلو کُتگ
اَت،[73] ھمے چه وتی زور ءُ جائز بُوَگ
ءِ بستار ءَ زبهر بوت که جتاجتائیں نسلی ریشگ داریں مهلوک بیاریت ءُ یکجاه به کنت[74]۔ اَنچوکه یک سالے ءَ ساری
نیشنل زبان ءِ درگتءَ یک سنگینیں ناتپاکی یے ءَ سر کَشِّت۔ پاکستان ءِ سرکماش محمد
علی جناح یکیں مردم اَت که نگد ءِ زَد ءَ نه اَت، آ (نیشنل زبان) ءِ یکّی٘ں
ربالکار اَت[75]
که اے درگتءَ وڑ وڑیں نگد ءِ دیمپان اَت۔ نیشنل زبان ءِ درگتءَ آ وھدے ماں
رودرتکی (east) پاکستان ءَ ترءُتابے ءَ شُت۔
اُودءَ ماں ڈھاکه ءَ کانوکیشن ءِ روچ ءَ وھدے آئی ءَ اے زاهر کُت که آ بنگالی ءَ
نیشنل زبان کنگ ءِ پلامرز نه اِنت، گڑا نودربراں زھرشانی کُت، چوھاڑ کُت ءُ چه
مجلس ءَ در اَتک اَنت۔ ماں اے آشُبگیں چِستءُایراں نودربراں زور کُت که آ وتی
گْوشتانک ءَ یله بِه دنت ءُ بُه رؤت[76]۔
نیشنل پجار ءِ یک مهکمیں سِنچے نسلی بُوَگ ءِ اسَراں ھلاس
کنت، ءُ سرکاری دپتر ءِ بےپلّویں کاربندگ ءَ مهکمیں راجمانی بنیادے ءِ ٹهینگ ءَ
کُمَک کنت۔ پدا ھم ماں پاکستانی راجمان ءَ نیشنل پجار وتی پجار ءِ رِدءَ وت ناوشیں
ھالتانی زَد ءَ اِنت[77]۔ چه اِشی ءَ کانونی ربی٘د ءِ
گُمانانی سرا مزنیں ڈکے کپتگ۔ اِستان ءِ ھزگار ءُ نسلی رِدءَ سَلاهکاریں کارست اَنت
که اِشاں (نیشنل) پجار ناگی٘گیں نوبتاں پِرینتگ[78]۔ کسانیں سُوبهانی زانتکار ءُ
مهلوک نیشنل پجار ءِ سکین ءَ پنجابیانی فائدهانی رکینگ ءِ پندلے سرپد بنت۔ اے ھز
ھما وھد ءَ گیشتر بیت، وھدے آ گندنت که پاکستان ءِ ملٹری ءُ فیڈرل بیوروکریسی
پاکستانی نیشنلزم ءَ آیانی سرا مُشگ ءِ جُهد ءَ اَنت۔
یک نِزوریں نیشنل پجارے مهکمیں نیشنل دْروشمے ءِ ھمراهی ءَ
نه مانیت۔ چه اے وڑیءَ سرکاری دپتر کانونی ربی٘د ءِ وسیله ءَ رَستگیں ریاهاں گوں
بےپلّویں کردے پیلو کُت نه کننت۔ اگاں ما کراچی ءِ لااینڈآرڈر ءِ بربادی ءِ بابت
ءَ گپءُتْران به کنیں، گڑا سپریم کورٹ ءَ گْوشتگ اَت که ’اگاں نسلی ءُ پِرکهی بهرءُبانگی،
راجمان ءِ کدرانی سرا گْران ءَ کپتگ اَنت، اے وڑیں شهر ءَ لااینڈآرڈر ءِ جیڑه
مانیت که مانیت۔ وھدے ھر نسلی کمیونٹی یے وسائل ءُ پاؤر ءِ درگتءَ گوں یک دومی ءَ
دیم په دیم بنت، گڑا جنگّ وَ الّما بیت‘[79]۔
نوں ما یک پُشدرے بندیں ھما ھمگْرنچیانی که اُلُسی پلامرزی
ءُ نسلی بُوَگ ءِ میان ءَ ھست اَنت، ءُ ھمے پُشدر ءَ جْوانیں وڑے ءَ تپّاسیں۔ اے
درگتءَ اُلُسی پلامرزی ءُ نسلی بُوَگ ءِ میان ءِ سْیادی ءِ پرّی٘سگ ءَ ما بایَدیں چه
1971 ءَ پاکستان ءِ بهر بُوَگ ءِ سرکپت ءَ بندات به کنیں که آئی ءِ پدءَ بنگلادیش
جوڑ بوتگ۔ بنگلادیش ءِ جوڑ بُوَگ اُلُسی پلامرزی ءِ نسلی رِدءَ کاربندگ ءِ (مزنیں)
شاھدے۔ البته ما بنگلادیش ءِ جوڑ بُوَگ ءِ ھالاں اِدءَ شریں وڑےءَ نه چاریں که مئے
بُنگپ ءِ بهر نه اِنت۔ اَنچوکه ماں پرونشیلزم ءِ پالیسیانی پلّوبندی ءَ اُلُسی
پلامرزی ءِ کاربندگ، سرکاری نوکری ءُ سیاسی زور ءِ نابرابریں بهرءُبانگی، وسائلانی
دَیَگ ءِ درگتءَ پَرکءُپی٘ر کنگ، بُنجاهیں ھاکمی، یک نیمگی پالیسی سازی، ون یونٹ
اسکیم ءُ لسانی جنگءُجدل۔ چه اشاں زاھر ءُ پیداور اِنت که نسلی زھراَمدی (bias) ءَ نه تهنا سرکاری دپتر ءِ واھندانی ھُکم
بستگ اِتنت بلکیں ادارهانی یکمُشتی ءُ بےپلّوی پروشتگ ءُ تباه کُتگ اَت[80]۔
منجمنٹ اسٹڈیز ءُ پولیٹکل سائنس ءِ تها اے گپ یکرِد ءَ
شُناسگ بوتگ که جْوانیں ھاکمی ءِ سوبمندی کرزشت (merit) ءِ تها اِنت۔ کرزشت ءِ بنیاد ءَ
اداره جْوانیں وڑے ءَ کار کُت ءُ پیش داشت کننت۔ پدا ھم پاکستانی کانون سازاں اے
پیشگامی کُتگ که کرزشت ءِ بنیاد ءَ کسے اگاں نوکری ءَ زُورگ به بیت، گڑا چه اِشی
ءَ نسلی شِدت ءُ راجمانی دَرز گیشتر سنگین بوت کنت۔ کرزشتدوستی (Meritocracy) کو٘ٹا سسٹم ءِ وڑیں زھرامدیں وزمے ءَ گوں
اے تُرس ءِ پُشت ءَ بدل کنگ بوتگ که ملک پُرُشتءُپروش ءِ آماچ مه بیت[81]۔
کو٘ٹا سسٹم ءِ بنیاد ءَ نسلی بُوَگ ءِ رِدءَ مردماں نوکری
ءَ زُورگ ءِ درگتءَ ما گندیں که نسلی بنیاد ءَ فائدهے ءِ گِرَگ ءَ اُلُسی پلامرزی
کاربندگ بنت۔ ھمے امیت ءِ پُشت ءَ اے رھبند زُورگ ءُ کاربندگ بیت که تاکت ءِ مزنیں
درجایانی تها دیمروی کنوکیں نسلی گروپانی پی٘شی (representation) بگندئے نسلی پریشانی ءَ کمتر به کنت[82]۔ انگته اِشی ءَ سرکاری ءُ
ذاتی ھدءُدرانی بهرءُبانگی سرگْوز کُتگ اَنت۔ چِدءُدیم نوکری ءَ زُورگ ءِ رِدءَ
نسلی پالیسی ءُ آ ھم راجمانی پُرشتءُپُروش ءَ گوں، (مئے) راجمان ءَ گیشتر روتگ
جننت۔ چه اِشی ءَ دست گِری ءُ پلامرزی دیما کی٘ت[83]۔ اے ھمے گپ ءَ ھم زاھر کنت که
ماں پاکستانی راجمان ءَ (بِلّے که لیکهی رِدءَ ھاکمی، کانون ءُ رھبندانی ھساب ءَ
اِنت) اے پدا ھم یک اَنچیں راجمانے که اُودءَ نسلی بُوَگ ءُ کرزشت ءِ نه بُوَگ ءَ
چه مردماں کارءُروزگار رسیت ءُ کار کننت[84]۔
بازیں ندکاراں اے سنگینیں بُهتام جتگ که پاکستانی آرمی ءَ
مارشل (martial) نسل ءِ درگتءَ انگته کالونیل
پالیسی برجاه داشتگ اَنت۔ اے یکین ءِ پُشت ءَ که لهتے نسلی گروپ جنگ ءِ رپک ءِ
درگتءَ جان ءِ بند ءُ ربی٘دگی رِدءَ گیشتر دوست دارگ ءُ زُورگ بنت[85]۔ پاکستانی آرمی ءَ اگاں مردم
ءِ زُورگ ءِ رھبند ءُ ھنراں به چارئے، اسٹبلشمنٹ ءِ گچینی پالیسیاں ءُ پنجابیانی
بازی ءَ به چارئے، گڑا پاکستان ءِ ملٹری ءِ سرا نه گیشِّتگیں وڑے ءَ اے لیبل جَنَگ
بیت که اے پنجابی آرمی یے[86]۔ ماں پاکستان ءَ بازیں
نیشنلسٹ جنز گچینی وڑے ءَ بلوچستان ھمے سرپد بیت که پاکستانی آرمی ءِ جوڑ بُوَگ
ءُ دیما آیگ چونائیا په نسلے ءَ فائدهانی گِرَگ ءِ درگتءَ وسائل ءُ اُلسی پلامرزی
ءِ کاربندگ ءِ آسر اِنت[87]۔ ھمے رِدءَ سندھ گورنمنٹ ءِ
سیکٹریٹ آفس سندھیاں گون اَنت ءُ کراچی ءِ واٹر اینڈ سیوریج بورڈ مهاجرانی نام ءَ
اِنت۔ (مهاجر لڈءُبار کُتگیں ھما مسلمان ءَ گْوشنت که آزادی ءَ پد آ اَچ انڈیا
ءَ ماں پاکستان ءَ اتکگ اَنت)۔ اے ادارهاں جتاجتائیں وڑے ءَ پاکستان پیپلز پارٹی
سندھیاں ءُ متحده قومی موومنٹ مهاجراں گِرءُدار کننت۔ اے وڑا ادارهانی تها نسلی
بنیاد ءَ مردم نوکری ءَ زُورگ بنت دان٘که سرکاری نوکرانی بدلی ءُ دیمروی ھم نسلی
رِدءَ بیت۔
مردمانی میان ءَ نسلی پلامرزی به بیت، اے گپ ءِ جواز دَیَگ
ءِ دگه یک مسالے اِش اِنت که نیشنل اسمبلی ءَ ھم نسلی بُوَگ ءِ رِدءَ سیٹ بهرءُبانگ
بنت۔ سیٹ اَنچیں وڑے ءَ بهر بوتگ اَنت که چه اِشی ءَ یک نسلی دمگے ءِ گیشتری ءَ
ماں فیڈریشن ءِ تها ادارهی شِکلے گپتگ[88]۔ ھژدھمی ترمیم ءَ پد ھم
فیڈریشن ءِ مرزبومی (سینٹرلائزیشن) ءِ ھاجت انگته ھما وڑا برجاه اِنت۔ اِڈی٘نےؔ ءُ
وِلڈرؔ داوا کننت که آرمی ءُ بیوروکریسی ءِ تها پلامرزی په زانت پنجابیانی نیمگا
بوتگ[89]۔ کانون سازیں اسمبلی ءِ وسیله
ءَ نسلی بُوَگ ءَ ادارهی بنیادانی رَسگ چونائیا زاھر ءُ راستیں نشان دنت که اِدءَ
پارلیمنٹری ڈیموکریسی نسلی بُوَگ ءِ چیردستی ءَ کار کنت که چه دُراهیں ادارهاں
اُبی٘ستِر اِنت[90]۔
نسلی بُوَگ ءِ جواز اے داوا ءَ پکه کننت که نسلی رِدءَ فائده گِرَگ ءِ درگتءَ
اُلُسی یا سرکاری تاکت ءِ کاربندگ، سیاسی رِدءَ مَنّگ ءُ راجمانی رِدءَ شر لیکگ
بوتگ۔
بازیں ندکاراں اے گپ چه ساری ءَ گیشتر گوں ھورتچاری ءَ
تپّاسِتگ که سرکار ءِ نوکر مهلوک ءِ ھذمت کنگ ءُ اُلُسی متاه (public goods) ءِ درگتءَ چه نسلی بُوَگ ءِ ناسازیں اسَر
ءَ آزات نه اَنت[91]۔
اے راستیں اسَرانی پهمیدگی ءِ یک داوایے اِش اِنت که ماں پاکستان ءَ نسلی بُوَگ ءَ
سنگین ءُ الکاپیں وڑے ءَ اے کار ءِ جند ڈامیچ کُتگ که اُلُسی متاه ءُ ھذمتانی
رِدءَ مهلوک ءَ چیزے دَیَگ به بیت۔ اَنچو که چه حسنین (2008, 2010)[92]
ءُ مِکارتنی (2011)[93] ءِ (اکیڈمک) کاراں زاھر بیت۔
اے ندکار شاھگانیں تجربی بنیاد دیان ءَ اے آسرال ءَ کَشنت که سرکاری دپتر لس مهلوک
ءَ فائده دَیَگ ءِ جاه ءَ لهتے گچینی مردماں گیشِّتگیں فائده دینت[94]۔ اِشاں وَ بِل سپریم کورٹ ءَ
ھم چارِتگ که ھیلتھ سیکٹر ھم نسلی بُوَگ ءُ تنک نذری ءَ بهرءُبانگ اِنت۔ ھسپتال اے
دگه کمیونٹی ءِ باسکے ءِ نادْراه یا ٹپی ئیں مردمے ءِ اِلاج ءَ نه کنت، بلکیں تچک
ءَ انکار کنت[95]۔
په لس مهلوک ءَ روڈ ءِ شَر کنگ ءُ دپتر بندگ ءِ کار به بنت یا نوکری یا جان
سلامتی، اے درگتءَ آسراتی ءُ فنڈ حلقه بندیاں دَیَگ بنت۔ اے وڑا سرکار ءِ تاکت ءَ
نسلی بُوَگ ھم شریدار بیت ءُ آئی ءِ بهرے مانیت۔ ماں ھما دمگاں که اُودءَ نسلی
گروپ زوراور نه اَنت، آ پد ماننت ءُ ای٘دگه دمگ ءِ مردمانی دیما وتی پدمنتگی ءُ
زبهری ءَ پی٘ش کننت۔
بیا ھمے داوا ءِ درگتءَ گیشتر شاھدی دیئیں۔ بلوچستان ءَ
پالیسانی رو وتی نیمگا ھما وھد ءَ ترینت که وھدے کدرتی گیس الکاپیں وڑے ءَ دراَتک[96]۔ پنجاه سال ءَ گیش اِنت که
سوئی بلوچستان ءِ برکت ءَ پاکستان گیس ءَ دگر ءِ چمدار نه اِنت[97]۔ بلوچستان انرجی پیداک کنگ ءِ
مستریں بُنزِه بُوَگ ءَ پد ھم سیاسی بینت ءَ نِزور اِنت ءُ آئی ءِ گیشتریں دمگاں
(انگته) نه گیس ھست نه لی٘ن بلکیں اُودءَ په مهلوک ءَ روڈ ءُ دپتر ھم ناساز اَنت۔
سِوِل سوسائٹی ءِ باسک نه گیشِّتگیں بنیادے ءَ گْوشنت که سیاسی بستار ءِ واھند
بُوَگ ءَ ھوار ماں ملٹری ءَ ھم ھاکمیں نسلی گروپانی جهگیر الکاپ ءَ ھست که اشانی
پلامرز ھما ھَند ءِ سردار اَنت که آ وت بلوچستان ءِ کدرتی وسائلاں پُلءُپانچ کنگا
اَنت[98]۔
انگته ماں بلوچستان ءَ گیشتر مردم وتی تکلیفی ءُ بزگی ءِ
ذمادار تمنی رھشوناں سرپد نه بنت۔ بلئے بازیں دمگاں آ یک ھاکمیں نسلی گروپے ءَ
بزاں پنجابیاں وتی بزّگی ءِ ذمادار لیکنت۔ تمنی رھشونانی اَنچو په دیم راجمانی
پلامرزی یک وڑیں نسلے ءِ پُشدر ءَ جْوانیں وڑے ءَ زانگ بیت که ھمے نسل اِنت که
بزگریں بلوچ ءُ ھزگاریں سردار ءِ میان ءَ یک اِنت۔ ھمے گپ کراچی ءِ شهری مردمانی
درگتءَ ھم راست اَنت۔ گیشتر اردو زبان ءَ گپ جنوکیں مردم شهر ءِ شَریں دمگاں نشتگ
اَنت۔ انگته ایم کیو ایم ءَ ناوشیں نوبتانی آماچ بوتگینے سرپد بنت، ءُ جنگءُچوپ
ءِ دوران ءَ آ ایم کیو ایم ءِ نابکاریں کاراں اے وڑا گیشّءُگیوار کننت که ایم کیو
ایم لاچار اِنت که چوشیں تُرندیں گامگیجے بُه زُوریت، پرچاکه مهاجر کمیونٹی ءَ گوں
دی٘ر اِنت شریں وڑے ءَ پی٘ش آیگ بُوَگا نه اِنت[99]۔
نسلی بُوَگ ءِ پُشدر ءَ نه تهنا شریں وڑے ءَ پی٘ش نیایگ ءِ
نگاه پهمگ نه بیت، بلکیں بدلی ءِ درگتءَ نوکیں گامگیج ءِ فکر ھم ھمے پُشدر ءَ پهمگ
بنت۔ اے ارزانی ءَ مشاھده کنگ بوتگ که په بدلی ءَ نوکیں گامگیج ءِ ھما پروجکٹ که
آیاں نسلی آبادی ءِ رِدءُبند بگندئے سُرینتگ اَت، (گڑا) آ پروجکٹ ءِ سرا نگد
کنگ بوت ءُ آ رَد کنگ بوتنت۔ بِلّے چه آ پروجکٹاں ملک ءِ (معاشی، سیاسی ءُ
راجمانی) ردوم جْوانیں وڑے ءَ گیش بوتگ[100]۔ نسلی بُوَگ ءُ په بدلی ءَ
نوکیں گامگیج ءِ رَنجیں ھمگْرنچی ءِ گْواهد ءِ درگتءَ ما کالاباغ ڈیم ءِ کِسمت ءَ
چارِت کنیں۔ ماں 1989 ءَ سرکار ءَ اے مراسا بستگ اَت که ماں پنجاب ءِ میانوالی
ڈسٹرکٹ کالاباغ ءَ آپ ءُ انرجی ءِ گَزرانی رِدءَ مزنیں ڈیمے بندیت که ھستیں ءُ
آؤکیں وھد ءَ (مردم په آپ ءُ انرجی ءَ پریشان مه بنت)۔ بلئے ھاکمیں نسلی گروپانی
میان ءَ مزنیں کساسے ءَ ناچاکی ءِ سرکَشگ ءِ سبب ءَ ماں آ سُوبه ءَ ڈیم ءِ بندگ
ءِ درگتءَ ھچ وڑیں تپاکی یے نه بوت که پاکستان سنگینیں وڑے ءَ آپ ءُ انرجی ءِ
درگتءَ ناگی٘گیں ھالتانی دیمپان اَت[101]۔ ھمیش ءُ ھمے وڑیں اے دگه
ھالتانی سبب ءَ زوراوریں سیاسی ادارهانی برجاه دارگ ءَ ملک بےسوب بوتگ[102]۔
سپریم کورٹ ءِ مشاھدهانی تها زاھر اِنت که نسلی پلامرزی ءَ
ماں سرکاری دپتراں روتگ جتگ۔ ’شهر ءِ عباسی شهید ھسپتال که سرکاری یے، بلئے اُودءَ
ڈاکٹر تهنا مهاجرانی اِلاج ءَ کننت که مهاجر لوکل ڈسٹرکٹ ءِ ھاکم اَنت ءُ نسلی
رِدءَ مهاجر کراچی ءِ مستریں نسلی گروپ اِنت… ایمبولنس وتی گروپ ءِ ھساب ءَ کار کنان ءَ اولسرا اے چارنت که
نادْراه کُجام نسل ئیگ اِنت، ءُ چِدءُپد آئی ءَ ھسپتال ءَ برنت‘[103]۔
میڈیکل اِلاج ءِ درگتءَ نسلی پْرکءُپی٘ر آ ھم ماں سرکاری
ھسپتالاں، چه اِشی ءَ تچک ءَ اے زاهر بیت که ماں کراچی ءَ راجمانی زند ءِ گچینی پهنات
ءُ کانونی بستار ءِ میان ءَ ھمسنگی یے نیست بلکیں اڑے مان۔ زاھر اِنت کانون اے
وڑیں کار ءُ کرداں اُلُسی پلامرزی ءِ رَدیں وڑے ءَ کاربندگ ءُ مهلوک ءِ وسائلانی
رَدیں وڑے ءَ کارمرزی یے سرپد بیت۔ بلئے اے بدبهتیں راستی مئے سر ءَ دگه یک سوالے
ءِ نیمگا کَشیت که آیا ماں کراچی ءَ گچینیں وڑے ءَ نشان کُتگیں نسلی کشءُچِیل ھمے
زاھر کننت که کراچی ءَ چونائیا ھمے وڑ بیت؟
بی٘رگءَ راجمان ھمے وڑا نه اِنت اَنچوکه بُرز ءَ گپ جَنَگ
بوتگ۔ البته اے ھال مارا په ناوشیں ساھتاں ھبردار کنگا اَنت۔ اے وڑ گیشتر ما اربن
اسٹڈیز ءِ فیلڈ ءَ گندیں که اربنائزیشن (میتگاں شَهر جوڑ کنگ) ءُ انڈسٹریالائزیشن
ءِ سفر ءَ ماں شهری سیاست ءُ ھاکمی ءِ تها نسلی زور کم بُوَان اَنت، بلئے میزاں
میزان ءَ۔ پدا ھم ماں پاکستان ءِ مستریں شهر ءَ اے وڑیں چستءُای٘رانی بُوَگ ھمے
زاھر کنت که ھالت چنچو ناساز ءُ ھراب بنت، وھدے ھر گْورا نسلی کشءُچِیلے بِه
مَچیت، آ ھم شهری دمگاں که پاکستان ءِ آبادی ءِ هفتاد درسد ماں شهراں نشتگ۔
پدا ھم ما نسلی ءُ سیاسی تاکت ءِ سرا یکرِد ءَ ھیال گْور
کُت که یکے چون دومی ءَ وتی وڑا کنگا اِنت۔ بیا ھما کیساں تپّاسیں که اُودءَ
اُلُسی پلامرزی تهنا په زَرّی فائده ءَ کاربندگ بوتگ اَنت۔ ھمے یک ءُ دوئیں سالاں،
سپریم کورٹ ءَ کرپشن ءِ باز مزنیں کیس گپتگ اِتنت، اَنچوکه بینک آف پنجاب ءَ
کرپشن[104]،
حج آرینجمنٹ[105]،
نیشنل ریکنسیلیشن آرڈیننس امپلیمنٹیشن پروسیڈنگ[106]، اِلّیگل اپوائنٹمنٹ اینڈ
کرپشن اِن ایمپلائز اولڈ ایج بینیفٹس انسٹیٹیوشن[107]، اِرّیگولیرٹیز اینڈ اِلّیگلیٹیز اِن پاکستان انٹرنیشنل ائیرلائنز[108]، آئل اینڈ گیس ریگولیریٹی
اتھارٹی، پاکستان اسٹیل ملز[109]، نیشنل انشورنس کمپنی لمیٹڈ[110]، ریکوڈِک[111] ءُ رینٹل پاؤر پلانٹ[112]۔
اِش ءُ اے دگه کرپشن ءِ کیسانی تها سپریم کورٹ ءِ رِدءَ
کرپشن ءِ سبب اِش بوتگ اَنت، وتی نامءُتوار ءُ تاکت ءَ گوں وتی سْیاد ءُ عزیزاں
نوکری دَیَگ، وتی گچینی مردمانی پلامرزی کنگ، پْرکءُپی٘ر کنگ۔ ھمے وڑا کسے ءِ پُشت
ءُ سرکماش بُوَگ، وتی سْیاد ءُ سنگتے ءَ نوکری دَیَگ بِلّے که آ ھمے نوکری ءَ نه
کرزیت۔ اے وڑیں دُراهیں کرپشن سیاسی نامءُتوار ءِ سبب ءَ بوتگ اَنت۔ کرپشن ءِ
کارانی تها وتی نامءُتوار ءُ تاکت ءَ گوں وتی سْیاد ءُ وارساں نوکری دَیَگ ءُ دِگر
ءِ پُشت ءُ سرکماشی وَ یکشلا بوتگ۔ پمیشکا اے درگتءَ سپریم کورٹ ءِ مشاھده اِنت،
اَنچو سما بیت که بُرز ءِ دُراهیں کار ماں سرکاری دپتراں رُستگ ءُ تیار بوتگ اَنت[113]۔
راجمانی رِدءَ ملٹری جْوانیں وڑے ءَ یکرِد ءَ گی٘گ ءُ چه اے
دگه دُراهیں ادارهاں گیشتر وتی کاراں گوں سنگینی ءَ وتی رھبندانی رِدءَ ملمه اِنت۔
ھمے اداره ءِ لهتے افسر، ھمے زِیتاں، کرپشن ءِ کیسانی تها کپتگ اَنت۔ ملٹری ءِ
اندری چِستءُای٘رانی درگتءَ مئے گْورا داں ھدے ءَ گْواج (evidence) ھست، بلئے ملٹری کرپشن ءِ لهتے
کیسانی بابت ءَ تْران کنان ءَ سپریم کورٹ ءَ اے درگتءَ دریگے پچ کُتگ[114]۔
سپریم کورٹ ءَ وھدے اے کیس شُناس اِتنت گڑا زانتکاراں ھم اے
مَنِّت که باز نسلی بُوَگ ءِ بنیاد ءَ کسے ءِ پُشت ءُ سرکماش بُوَگ ماں ساؤتھ
ایشیا ءَ چونائیا ءُ ماں پاکستان ءَ گچینی وڑے ءَ چو سیاست ءَ کار کنت[115]۔ ماں اے ھالتاں سیاسی ربی٘د
به بیت یا پارٹی، ھر دوئیں مزنیں مردم ءُ مزنیں کهولانی چمدار اَنت ءُ ھمے چیز بُن
اسل ءَ سیاسی سِستءُسی٘د ءِ سبب اَنت[116]۔
نسلی پلامرزی، سیاست ءُ کرپشن ءِ میان ءِ ھمگْرنچی گیشتر
زاھر کنگ بوتگ اَنت۔ اے درگتءَ اگاں ما سپریم کورٹ ءِ ھما گامگیجاں به چاریں که
کرپشن ءِ درگتءَ آئی ءَ زُرتگ اَنت۔ گڑا چه آیانی چارگ ءَ پد زانگ بیت که مردمے
ءِ کرپشن ءِ تها کپگ ءِ درگتءَ چونائیا نسلی بُوَگ مزنیں پُشتے[117]۔
نفرانی یک گروپے کرپشن ءِ کیس ءَ جتاجتا دزگیر بوتگ اَنت
(بلئے) اے کرپشن ءَ یکّیں نسلی پجار ءِ مردم ھوار اِتنت۔ اے نسلی پجار ءِ درگتءَ
آ وت ماں وتی بیسهے ءَ گوں یکرِد اِتنت ءُ آیانی گْورا پجار ءِ قومی سنچے ھست
اَت ءُ یکّیں نسل ءِ رِدءَ آیانی فائده ھم یک اِتنت۔ بزاں یکے ءِ فائده گوں دومیگ
ءَ دپ وَرَگا اِتنت۔ دگه یک آشکار ءُ سرزاھریں گْواجے اِش اِنت که کرپشن ءُ نسلی
پلامرزی ءِ ھمگْرنچ بُوَگ ءِ درگتءَ که اِشی ءِ ریشگ ماں سندھ ءِ شهری ءُ کوچگی
دمگاں جُهلانکی ءَ ھست اَنت ءُ اے رِدءَ شهری ءُ کلگی دمگاں بهر کننت۔ سندھ ءِ سرا
ھیال گْور کنگ ءَ، یک گپے وَ ساپ ساپ ءَ تچک ءَ دیما کی٘ت ءُ کرپشن ءُ نسلی
پلامرزی ءِ میان ءِ ھمگْرنچی ءِ درگتءَ ھستیں شکانی ھلاس کنگ ءَ کارامد اِنت۔
ماں کراچی ءَ لاءاینڈآرڈر ءِ ھالتانی ھراب کنگ ءِ سبب ءَ
پاکستان پیپلز پارٹی ءِ سوبائی سرکار که اشی ءِ تها سندھی سوائی اَنت۔ آ
پیراملٹری فورس، که اِشی ءِ رھشون پنجابی اَنت، ءَ ماں کراچی ءَ یک آپریشنے ءِ
کنگ ءِ درگتءَ توار جنت که متحده قومی موومنٹ ھمیشی ءِ نمائندگی ءَ ماں 5 ستمبر
2013 ءَ کنت۔ اے نبشتانک ءِ پولکاری ءِ مُراد ءَ شاهگانیں وڑے ءَ به چارئے گڑا اے
یک کارے سما بیت که اُودءَ سے جتائیں نسلی پلامرز زور ءُ وسائلانی رِدءَ یک دومی
ءِ دیم په دیم اِتنت۔
ماں بازیں دیواناں پیراملٹری رینجرز ءِ ڈائریکٹر جنرل ءَ اے
گپ گیشّی٘نتگ که نسلی سیاسی پارٹیانی پلامرزی ءَ مهلوک ءَ زمین زور بُرتگ اِتنت ءُ
لینڈ ڈیپارٹمنٹ ءِ افسراں پارٹیانی پلامرزی کُتگ اَت که اے وڑا ماں کراچی ءِ
ھالتانی ھراب کنگ ءَ آیانی دست مان اَت۔ رینجرز ءِ داتگیں یک اَنچائیں کساسے ءِ
ھساب ءَ ماں کراچی ءَ سالے 230 بلین (کلدار) کرپشن ءِ وسیله ءَ گِرَگ بیت[118]۔ ماں جون، جولائی ءُ اگست
2015 ءَ نیشنل اکاونٹابلیٹی بیورو (NAB)، فیڈرل
انوسٹیگیشن ایجنسی (FIA) ءُ رینجرز ءَ
ماں سندھ ءَ ھما دپتراں چھاپه جتگ که لینڈ ءُ ریونیو ءَ گوں ھمگْرنچ بوتگ اَنت۔
آیاں بازینے دزگیر کُت ءُ سرکاری زمینانی مزنیں ریکارڈے بست۔ گْوشگ ءُ اِش کنگ ءَ
اے زمین لهتے مردمانی نام ءَ کنگ بوتگ اِتنت[119]۔ اے درگتءَ بازیں ھالتاک ءُ
دپتری پریس ریلیزاں ھما مردمانی نام زاھر بوتنت که آیانی سرا الزام اَت که آ
(کرپشن ءِ اے کاراں) شریدار ءُ کُمکّارین اِتنت[120]۔
اگاں ما بُه لوٹیں مردمانی نسلی پُشدر ءَ الکاپ ءُ شریں وڑے
ءَ به چاریں، گڑا اے آیانی ھمگْرنچی یک پیوستیں ترزے۔ اے ھمگْرنچی نه تهنا نسلی
رِدءَ بهر اِنت، بلکیں ھما مردمانی میان ءَ ھم زاھر بیت که الزام ءِ زَد ءَ اَنت۔
اَنچوکه ماں سندھ بلڈنگ کنٹرول اتھارٹی ءُ فیشرمین کوآپریٹیو سوسائٹی ءِ تها
کرپشن ءِ نه گیشِّتگیں کیساں به چاریں که اے کیسانی تها مستریں الزام پیسریگیں
ڈائریکٹر جنرل منظور قادر ءُ چیرمین نثار مورائی، تچک ءَ کرپشن ءِ نسلی پهنات ءَ
زاھر کننت ءُ اِشی ءِ تها گیشتر شریدار سندھی اِتنت۔ ھمے وڑا کراچی میونسپل
کورپوریشن، کراچی واٹراینڈسیوریج بورڈ ءَ کرپشن مهاجر نسل ءِ چیردستی ءَ بوتگ۔
کرپشن ءِ کارانی پَد ءَ سما بیت که اے گیشتر یکّیں نسل ءِ مردمانی میان ءَ بنت به
نسبت دو یا دو ءَ گیش نسل ءِ مردمانی میان ءَ۔
لورنٹ گاهئر (Laurent Gayer) وتی زِیتاں شنگ بوتگیں کتاب ’کراچی آرڈر ڈِس آرڈر‘ ءَ اے گپ ءَ
دیما کاریت که کرپشن ءُ شِدّت (violence) ءِ درگتءَ
نسلانی میان ءَ مهکمیں ھمگْرنچی یے ھست[121]۔ مئے آتْراپ ءَ کرپشن اَنچو
رواج گپتگ که ھما کاراں بیدء دری دست ءُ سفارشے ءَ بُوَگی اِنت، آ ھم بیدء نسلی
پلامرزی ءُ کُمک ءَ نه بنت[122]۔
کانونی رِدءَ سفارش ءُ پرچی کرپشن ءِ شکل اَنت بلئے ’ماں
پاکستان ءَ سفارش ءُ پرچی مهکمیں راجمانی کدر اَنت[123] ءُ ادارهی رواج اَنت ھم[124]۔
راجمان چه ھما کار ءُ کرداں جوڑ بیت، آ زاھر ءُ زانگ بنت،
ھمایانی نسلی کنگ ءُ پدا ھر یکے ءِ وتی وڑا زوراور بُوَگ۔ چه اِشی ءَ پهمیدگیں وڑے
ءَ ما اے آسر ءَ کشیں که سفارش ءِ پُشت ءِ نسلی پلامرزی یک بنداتی جوازے۔ ما اے
ھم گْوشت کنیں که کرپشن ءِ اے تهر که اِشی ءَ نسلی پلامرزی گون اِنت، اے نه تهنا
کرپشن ءَ مننت بلکیں کرپشن ءَ راست ھم سرپد بنت۔
اے راستال ھمے اشاره کننت که نسلی پلامرزی ءُ کرپشن ءِ میان
ءَ مهکمیں سْیادی یے ھست۔ نسلی پلامرزی ءَ مارا راجمان ءِ جوڑ کنگ ءُ بندوبستی جوڑشت
ءِ تها ھوار کنان ءَ اِشی ءِ بهرءُبانگی ءَ لهتے گچینی کرپشن وَ مڑاهدار ھم گْوشتگ
اَنت۔ ماں بازیں جاگهاں سرکاری دپتراں په زانت ءُ رزا مهلوک ءِ فائده کار نه گپتگ
بلکیں ھما کرد که کانون آیاں کرپشن ءِ نگاه ءَ چاریت، آیاں ھما کارانی جند کُتگ۔
گْوشت کنئے که سرکاری دپتراں اے تب گیش کُتگ ءُ پیشداشتگ که سرکاری دپتراں نسلی
رِدءَ فائده گِرَگ ءِ واستا کاربندگ چونائیا راجمانی بنیاد ءَ راست ءُ مَنّتگیں
کارے۔ لهتے جاگهاں اُلُسی پلامرزی کانونی رِدءَ وت نسلی کنگ ءُ ماں پاکستان ءَ
کانونی ربی٘د ءِ بهر جوڑ کنگ بوتگ اَنت۔
آسرال: راجمانی ءُ کانونی ربی٘د ءِ میان ءِ دوبھری
نسلی بهرءُبانگی ءِ بنیاد ءَ کرپشن ءِ
بازی ءَ سرکاری دپتر ءِ کارکردگی ڈامیچ کُتگ۔ ھما راجمانی زند که چه نسلی پجارانی
کشءُچِیل ءَ دراتکگ، گڑا آ راجمانی رِدءَ چوشیں کارے ءَ سوبین نه بوتگ که اُودءَ
مردم یکجاه په راجمان ءِ گهبود ءَ جْوانیں وڑے کار به کننت ءُ مهلوک ءَ سکین به
دینت که آیاں وتی نسلی فائدهاں آ دست چارگی اِنت۔ ھمے کرپشن که مئے گْورا نسلی
پلامرزی ءِ نام ءَ پهمگ ءُ کارگِرَگ بُوَگا اِنت، آئی ءَ ھمے راجمان کومین کُتگ۔
یک پْرُشتءُپروشیں راجمانے ءَ کرپشن نسلی فائده ءِ نام ءَ نه تهنا راست زانگ بیت
بلکیں مردم اِش ساڑا اَنت ھم، اَنچوکه مئے گْورا گوں وتی نامءُتوار ءُ تاکت ءَ وتی
سْیاد ءُ وارساں نوکری دَیَگ، وتی گچینی مردمانی پلامرزی کنگ، پْرکءُپی٘ر کنگ، گوں
وتی نامءُتوار ءُ تاکت ءَ کسے ءِ پُشت ءُ سرکماش بُوَگ، وتی سْیاد ءُ سنگتے ءَ
نوکری دَیَگ، ساڑایگ بنت۔ ھمے چیزاں داں مزنیں ھدے ءَ اے گپ ءَ گیشّینت که ماں
پاکستانی اِستان ءُ راجمان ءَ کرپشن ءَ الکاپ ءَ روتگ جتگ۔ اے گپ ءُ راجمانی
رَوِشانی آ دست، اینٹی کرپشن کانونانی رِدءَ سرکاری دپتر ءِ رَدیں وڑے ءَ کاربندگ
ءِ سزا چارده سال جیل اِنت۔ انگته کس ءَ ھم اِینچو سال ءَ سزا نه رَستگ ءُ اے
درگتءَ انگته یک ھم مزنیں افسرے ایف آئی اے ءَ میاربار نه گْوشتگ ءُ دزگیر نه
کُتگ۔ اے نه تهنا کانون ءِ بےسوبی اِنت بلکیں راجمان ءِ ھم ناکامی اِنت۔
کانونی ءُ راجمانی ربی٘د ءِ میان ءَ یکرنگی نه بُوَگ ءِ سبب ءَ اے بے سوبی ءِ تها بهرے ھست۔ راستیں وڑے ءَ بِه چارئے گڑا ناھمگْرنچی ھمیش اِنت که نسلی گروپاں ھما یکین زُرتگ ءُ وتا ملمه کُتگ که په ھرکس ءَ یک وڑا ءُ یک ھساب ءَ نه مانَگا اِنت۔ اے تهنا یک جتائیں زندمانے زانگ بیت، گِهیں یکین ءِ ھمگامی ءَ ھما چیز که کانونی ربی٘د ءَ وت برجاه داشتگ اِتنت، بلکیں بازیں جاگهاں نسلی پلامرز ھمے ھیالی یکین ءَ مزنیں ھدے ءَ زُورنت۔ پدا ھم سِوِل سوسائٹی ءَ اے بے لگامیں کرپشن ءِ درگتءَ سنگینیں وڑے ءَ جیڑِتگ که راجمان ءُ کانون ءِ میان ءَ مانگا اِنت۔
رجانکار: امین ضامن بلوچ
ھُورتوان: ڈاکٹر عاصم زھیر ءُ چندن ساچ
شِنگکار: دودمان شنگکار کیچ
شنگ: راجمان ۱۰۔ جولائی ۲۰۲۴۔
Zulfiqar Ali. "Conflict between social
structure and legal framework: political corruption in Pakistan." Commonwealth & Comparative Politics 54, no. 1 (2016): 115-137.
[1]- Ted Svensson. Production of postcolonial India and
Pakistan: Meanings of partition. (London: Routledge, 2013)
[2]- Munir Hafiez. National anti-corruption strategy.
(Islamabad: Printing Corporation of Pakistani Press. 2002), p. 48
[3]- Kandiyur Narayanan Panikkar. Colonialism, culture,
and resistance. (New Delhi: Oxford university press, 2013)
[4]- Mark Philp. Conceptualizing political corruption. In,
M. J. Arnold & J. Heidenheimer (eds.) Political corruption: Concepts and
contexts (pp. 41 –57). (New Brunswick, NJ: Transaction. 2011)
[5]- Michael Johnston. From Thucydides to Mayor Daley: Bad
Politics, and a Culture of Corruption?. PS: Political Science &
Politics 39, no. 4 (2006): 809-812, p. 38
[6]- Niloy Bose, Salvatore Capasso, and Antu Panini Murshid. Threshold
effects of corruption: theory and evidence. World Development 36,
no. 7 (2008): 1173-1191.
[7]- Vito Tanzi. Corruption around the world: Causes,
consequences, scope, and cures. Staff papers-international monetary
fund, 45, no. 4 (1998): 559-594.
[8]- Dieter Haller and Cris Shore. Corruption:
anthropological perspectives, anthropology, culture and society. (London:
Pluto, 2005)
[9]- Michael Johnston. The definitions debate: Old conflicts in
new guises. In, A K Jain (eds.) The political economy of corruption,
pp. 11-31. (London: Routledge, 2001), p. 12
[10]- Blendi Kajsiu. A discourse analysis of corruption:
Instituting neoliberalism against corruption in Albania, 1998–2005.
Aldershot: Ashgate. 2015), p. 38
[11]- James C. Scott. Comparative political corruption. (Englewood
Cliffs, NJ: PrenticeHall. 1972), p. 03
[12]- Maurice Punch. Coping with corruption in a borderless world:
Proceedings of the fifth international anti-corruption conference. (New
York, NY: Kluwer Academic. 1993), p. 26
[13]- Carl Joachim Friedrich. The Pathology of Politics:
violence, betrayal, corruption, secrecy, and propaganda. (New York: Harper
& Row, 1972), p. 172
[14]- Robert Klitgaard. Controlling corruption.
(Berkeley: University of California Press, 1988), p. 521
[15]- Susan Rose-Ackerman. Corruption and government: Causes,
consequences, and reform. (Cambridge: Cambridge University Press. 1999),
p. 13
[16]- Arnold J. Heidenheimer and Michael Johnston. Political
corruption: Concepts and contexts (Vol. 1). (Livingston, NJ:
Transaction. 2011), p. 324
[17]- David H Bayley. The effects of corruption in a developing
nation. Western political quarterly 19, no. 4 (1966): 719-732.
[18]- Denis Osborne. Corruption as counter-culture: Attitudes to
bribery in local and global society. In, B. Rider (eds) Corruption: The
enemy within (pp. 9– 34). (Boston, MA: Kluwer Law International. 1997),
p. 28
[19]- Robert Williams. New concepts for old? Third
World Quarterly 20, no. 3 (1999): 503-513., p. 504
[20]- Anne O Krueger. The political economy of the rent-seeking
society. The American economic review 64, no. 3 (1974): 291-303.
[21]- Arnold J. Heidenheimer and Michael Johnston. Political
corruption: Concepts and contexts, p. 322
[22]- Tobias Debiel and Andrea Gawrich. (Dys-) Functionalities of
corruption: comparative perspectives and methodological pluralism.
(Wiesbaden: Springer 2014), p. 34
[23]- Robert Williams. New concepts for old? Third World
Quarterly 20, no. 3 (1999): 503-513., p. 504
[24]- Yufan Hao and Michael Johnston. Corruption and the future of economic
reform in China. In, M. J. Arnold & J. Heidenheimer (eds.), Political
Corruption: Concepts & Contexts (pp. 583-604). (New Brunswick, NJ:
Transaction. 2011), p. 594
[25]- Ken Jowitt. Soviet neotraditionalism: The political corruption of a
Leninist regime. Europe Asia Studies 35, no. 3 (1983): 275-297., p.
276
[26]- Janine R. Wedel. Corruption and organized crime in post-communist
states: New ways of manifesting old patterns. Trends in Organized Crime 7,
no. 1 (2001): 3 –61, p. 07
[27]- Mark E. Warren. What does corruption mean in a democracy?. American
journal of political science 48, no. 2 (2004): 328-343., p. 338
[28]- Arnold J. Heidenheimer and Michael Johnston. Political
corruption: Concepts and contexts, p. 06
[29]- Mark Philp. Conceptualizing political corruption., p.
42
[30]- Peter Bratsis. The construction of corruption, or rules of separation
and illusions of purity in bourgeois societies. Social Text 21,
no. 4 (2003): 9-33., pp. 12-14
[31]- John Kleinig and William C. Heffernan. Private and
public corruption. (Lanham MD, USA: Rowman & Littlefield, 2004),
p. 05
[32]- Arlene W. Saxonhouse. Corruption and justice: the view
from ancient Athens. In, J. K. William & C. Heffernan (eds.) Private
and public corruption (pp. 25–54). (Lanham, MD: Rowman & Littlefield.
2004), p. 40
[33]- Mark Philp. Defining political corruption. Political
Studies 45, no. 3 (1997): 436-462., p. 438
[34]- F. David Harvey. Dona Ferentes: Some aspects of bribery in
Greek politics. History of political thought 6, no. 1/2 (1985):
76-117.
[35]- Bruce Buchan and Lisa Hill. An intellectual history of political
corruption. Basingstoke: Palgrave Macmillan 2014., p.
17
[36]- Lisa Hill. Conceptions of political corruption in ancient Athens and
Rome. History of Political Thought 34, no. 4 (2013): 565-587.
[37]- Mark E. Warren. What does corruption mean in a democracy?. American
journal of political science 48, no. 2 (2004): 328-343., p.
329
[38]- Wolfgang Muno. Conceptualizing and measuring clientelism.
In Paper to be presented at the workshop on Neopatrimonialism in Various
World Regions, German Institute of Global and Area Studies, Hamburg. 2010,
August 23., p. 35
[39]- Susan Rose-Ackerman. The political economy of corruption. In, J.
K. William & Elliot K. A. (eds) Corruption and the global economy
(pp. 31 –60). (Washington, DC: Institute for International Economics. 1997), pp.
31-34
[40]- Mark E. Warren. What does corruption mean in a democracy?.
[41]- J. Peter Euben. Corruption. Political Innovation and Conceptual
Change, 220, no. 243 (1989): 29-31
[42]- Colin Leys. What is the Problem about Corruption?. The
Journal of Modern African Studies 3, no. 2 (1965): 215-230., p. 217
[43]- David M. Levitan. The neutrality of the public service. Public
Administration Review 2, no. 4 (1942): 317-323.
[44]- Kenneth Kemaghan. Politics, policy and public servants: Political
neutrality revisited. Canadian Public
Administration 19, no. 3 (1976): 432-456.
[45]- Marie Ashe and Leonard J. Legal Studies as Cultural Studies: a
reader in (post) modern critical theory. (Albany: State University of New
York Press 1995)
[46]- Mike McConville and Wing Hong Chui. Research methods for law.
Research methods for law. (Edinburgh: Edinburgh University Press 2007), p.
03
[47]- Peter James Marshall. The Cambridge illustrated history of the
British Empire. Cambridge: Cambridge University Press, 2001)
[48]- Partha Chatterjee. The black hole of empire. In, The
Black Hole of Empire. (Princenton NJ: Princeton University Press, 2012);
Nicholas B. Dirks. The scandal of empire: India and the creation of
imperial Britain. (Cambridge: Harvard University Press. 2009), Nicholas B.
Dirks. The hollow crown: Ethnohistory of an Indian kingdom. (Ann
Arbor: University of Michigan Press, 1993. Elizabeth Kolsky. Colonial
Justice in British India. (Cambridge: Cambridge University Press, 2010)
[49]- Shukla Sanyal. Revolutionary Pamphlets, Propaganda and Political
Culture in Colonial Bengal. (Cambridge: Cambridge University Press, 2014), p.
124
[50]- Osama Siddique. Pakistan's experience with formal law: an alien
justice. (Cambridge: Cambridge university press, 2013)
[51]- Susan Šarčević. New approach to legal translation.
(Zuidpoolsingel: Kluwer Law International. 1997), p. 250
[52]- PCA. The prevention of corruption act, 1947. In M. Ali Zafar
(Ed.),Manual of anti-corruption laws(pp. 99– 310). (Lahore: Manzoor Law Book
House. 2014): 1, 2, 3; PPC Pakistan Penal Code (Act XLV of 1860). Islamabad:
Government of Pakistan, Ministry of Justice and Parliamentary Affairs, Printing
Corporation of Pakistan Press. 1, 79, 80
[53]- Munir Hafiez. National anti-corruption strategy. (Islamabad:
Printing Corporation of Pakistani Press. 2002), p. 05
[54]- Mohammad Mahmood. The Constitution of the Islamic Republic of
Pakistan, 1973: A Comprehensive and Detailed Commentary with a Comparative
Study of the Constitutions of Pakistan, 1956 and 1962. (Lahore: Pakistan
Law Times Publications, 1973)
[55]-
CIRP, 1985, pp. Section 10(50), 10(16), 15, 23, 24(12)
[56]- Syed Zafar Ali Shah and Others v/s General Pervez. Musharraf, PLD 2000
SC 869.
[57]- Hamid Mir and another v/s Federation of Pakistan, etc., PLD 2013 SC 244.
[58]- Susan Rose-Ackerman. Corruption and government: Causes, consequences,
and reform. (Cambridge: Cambridge University Press. 1999), p.
91
[59]- Max Weber. Roth, Guenther, and Claus Wittich. Economy and
society: An outline of interpretive sociology. Vol. 2. (Berkeley:
University of California press, 1978), p. 389
[60]۔ کوم اِدءَ ونڈ ءِ مانا ءَ چو کارمرز
کنگ بوتگ که چیزے ءَ پْروشگ ءُ بهرانی تها ونڈ کنگ۔ انگریزی ءِ فرکشنلائزیشن ءِ هم
مانایے ھمیش اِنت۔
[61]- Kate Baldwin and John D. Huber. Economic versus cultural differences:
Forms of ethnic diversity and public goods provision. American
Political Science Review 104, no. 4 (2010): 644-662; Oguzhan C Dincer. Ethnic
and religious diversity and corruption. Economics Letters 99, no.
1 (2008): 98-102, David Dreyer Lassen. Ethnic divisions, trust, and the size
of the informal sector. Journal of Economic Behavior &
Organization 63, no. 3 (2007): 423-438, Etienne B. Yehoue. Ethnic
diversity, democracy, and corruption. Democracy, and Corruption. IMF
working papers. New York, NY: International Monetary Fund. 2007
[62]- Carlos Leite and Jens Weidmann. Does mother nature corrupt?
Natural resources, corruption, and economic growth. Natural resources,
corruption, and economic growth (IMF Working Paper (99/85). 1999
[63]- Peter J. Burke, Timothy J. Owens,
Richard T. Serpe, and Peggy A. Thoits, (eds). Advances in identity
theory and research. (Boston, MA: Springer. 2003); Sheldon Stryker and
Peter J. Burke. The past, present, and future of an identity theory. Social
psychology quarterly (2000): 284-297.
[64]- Richard T. Serpe. Stability and change in self: A
structural symbolic interactionist explanation. Social Psychology
Quarterly 50, no. 01 (1987): 44-55.
[65]- Alexander Evans. Continuity and change in Pakistani politics.
Contemporary South Asia, 20, no. 2, (2012): 213-224, p.
216
[66]- Parveen Akhtar. British Muslim Politics: examining Pakistani
Biraderi networks. Basingstoke: Palgrave, 2013.
[67]- Farhan Hanif Siddiqi. The politics of ethnicity in Pakistan: The
Baloch, Sindhi and Mohajir ethnic movements. (London: Routledge, 2012)
[68]- Parveen Akhtar. British Muslim Politics: examining
Pakistani Biraderi networks.
[69]- Aamra Darr and Bernadette Modell. The frequency of
consanguineous marriage among British Pakistanis. Journal of medical
genetics 25, no. 3 (1988): 186-190.
[70]- Pnina Werbner. Manchester Pakistanis: division and unity.
In, C. Clarke (eds) South
Asians overseas: Migration and ethnicity (pp. 331 –347). (Cambridge:
Cambridge University Press 1990)
[71]- Tariq Rahman. Language-teaching and power in Pakistan. Paper
presented at the world congress on language policies, Barcelona. 2002, April
18); Tariq Rahman. Language ideology, identity and the commodification of
language in the call centers of Pakistan. Language in Society 38,
no. 2 (2009): 233-258.
[72]- Mohammad Qadeer. Pakistan – social and cultural
transformations in a Muslim nation. (London: Routledge. 2009), p. 68
[73]- Jisha Menon. The performance of nationalism: India, Pakistan,
and the memory of partition. (Cambridge: Cambridge University Press, 2013)
[74]- Ian Talbot. Pakistan: A modern history. (Basingstoke: Palgrave
Macmillan. 2010)
[75]- Ayesha Jalal. The sole spokesman: Jinnah, the Muslim League and
the demand for Pakistan. (Cambridge: Cambridge University Press. 1985)
[76]- Tariq Ali. Can Pakistan Survive? The death of a state.
(London: Penguin Books. 1983)
[77]- Ayesha Jalal. Identity crisis: Rethinking the politics of community
and region in South Asia. Harvard International Review 21, no. 3
(1999): 82-85.
[78]- Iftikhar H Malik. Governability crisis in Pakistan: Politics of
authority, ideology and ethnicity. The Round Table 83, no. 332
(1994): 469-488.
[79]- Wattan Party v/s Federation of Pakistan, PLD 2011 SC 997.
[80]- Richard Sisson and Leo E. Rose. War and Secession:
Pakistan, India, and the creation of Bangladesh. (Berkeley: University of
California Press. 1990), pp. 8-28
[81]- Amna Imam and Eazaz A. Dar. Democracy and public administration
in Pakistan. (Bosa Roca, FL: CRC Press, 2013), p. 56
[82]- Charles H. Kennedy. Bureaucracy in Pakistan. (Oxford:
Oxford University Press. 1987)
[83]- Meghna Sabharwal and Evan M. Berman. Public administration in South
Asia: India, Bangladesh, and Pakistan. (Bosa Roca, FL: CRC Press. 2013), p.
204
[84]- Akbar S Ahmed. Identity and ideology in Pakistan: An interview. Third
World Quarterly 11, no. 4 (1989): 54-69., p. 63
[85]- C. Christine Fair. Fighting to the end: The Pakistan army's way
of war. (London: Oxford University Press, 2014); Ian Talbot. Pakistan: A
modern history.
[86]- Mohammed Ayoob. Dateline Pakistan: A passage to anarchy?." Foreign
Policy 59 (1985): 154-173., p. 155
[87]- Adeel Khan. Baloch ethnic nationalism in Pakistan: from Guerrilla War
to nowhere?. Asian ethnicity 4, no. 2 (2003): 281-293.
[88]- Katharine Adeney. A step towards inclusive federalism in Pakistan?
The politics of the 18th amendment. Publius: The Journal of
Federalism 42, no. 4 (2012): 539-565., pp. 542-543
[89]- Ibid,
p. 544
[90]- Andrew Wilder. The politics of civil service reform in Pakistan. Journal
of International Affairs 63, no. 1 (2009): 1-19, p.
18
[91]- James Habyarimana, Macartan Humphreys, Daniel N. Posner, and Jeremy M.
Weinstein. Why does ethnic diversity undermine public goods provision?. American
political science review 101, no. 4 (2007): 709-725; Edward Miguel and
Mary Kay Gugerty. Ethnic diversity, social sanctions, and public goods in
Kenya. Journal of public Economics 89, no. 11-12 (2005):
2325-2368.
[92]- Zahid Hasnain. Devolution, accountability, and service
delivery in Pakistan." The Pakistan Development
Review (2010): 129-152; Zahid Hasnain. The Politics of Service Delivery
in Pakistan: Political Parties and the Incentives for Patronage, 1988-1999." The
Pakistan Development Review (2008): 129-151.
[93]- Matthew McCartney. Pakistan-The political economy of
growth, stagnation and the state, 1951-2009. (London: Routledge 2011)
[94]- Zahid Hasnain. The Politics of Service Delivery in Pakistan:
Political Parties and the Incentives for Patronage, 1988-1999." The
Pakistan Development Review (2008): 129-151., p. 131
[95]- Wattan Party v/s Federation of Pakistan, PLD 2011 SC 997.
[96]- Rabia Aslam. Greed, creed, and governance in civil conflicts: a case
study of Balochistan. Contemporary South Asia 19, no. 2 (2011):
189-203., p. 104
[97]- Shahid Javed Burki. South Asia in the new world order: the role
of regional cooperation. (London: Routledge. 2011), p. 104
[98]- Rabia Aslam. Greed, creed, and governance in civil conflicts: a case
study of Balochistan., pp. 99-191
[99]- Nichola Khan. Mohajir militancy in Pakistan: violence and
transformation in the Karachi conflict. (London: Routledge, 2010), pp.
49-76
[100]- Shahid Javed Burki. Historical dictionary of Pakistan.
(Lanham, MD: Scarecrow Press. 2006)
[101]- A Kazi. Kalabagh Dam: Varying points of view. In, K. Bengali
(eds),The politics of managing water (pp. 182 –192). (Karachi: Oxford
University Press. 2003)
[102]- Charles H. Kennedy.
The politics of ethnicity in Sindh. Asian survey 31, no. 10
(1991): 938-955.; Ilhan Niaz. The Culture of Power and
Governance of Pakistan 1947-2000. (Lahore: Oxford University Press, 2010)
[103]- Wattan Party v/s Federation of Pakistan, PLD 2011 SC 997.
[104]- The Bank of Punjab v/s Haris Steel Industries (Pvt.) Ltd. and
others, PLD 2010 SC 1109.
[105]- Suo Motu Case No. 24 of 2010 Corruption in Hajj Arrangements,
PLD 2011 SC 963.
[106]- NRO Implementation proceedings, PLD 2012 SC 866.
[107]- Syed Mubashir Raza Jaffri v/s Employees Old Age Benefits
InstitutionsCP 6 of 2011.
[108]- Zafar Iqbal Jhagra v/s Federation of PakistanCP 109-10 2012.
[109]- Corruption in Pakistan Steel Mills Corporation, PLD 2012 SC
610.
[110]- Suo Moto Action regarding violation of Public Procurement
Rules by NICL SMC 18 of 2010.
[111]- Maulana Abdul Haque Baloch v/s Government of Balochistan,
PLD2013 SC 641.
[112]- Alleged Corruption in Rental Power Plants etc., Human Rights
Case2012 SCMR 773.
[113]- Ibid
[114]- Air Marshal (R) Muhammad Asghar Khan v/s General (R) Mirza Aslam Baig,
Former Chief of Army Staff, PLD 2013 SC 1; Suo Moto Action regarding violation of Public Procurement Rules by
NICLSMC 18 of 2010.
[115]- Nicolas Martin. The dark side of patronage in the Pakistani Punjab
In, A. Piliavsky (eds.) Patronage as politics in South Asia(pp. 326–
345). (Cambridge: Cambridge University Press. 2014)
[116]- James Chiriyankandath. Parties and political change in South Asia.
In, James Chiriyankandath (eds). Parties and political change in South
Asia, pp. 1-6. (London: Routledge. 2014)
[117]- Suo Moto Action regarding violation of Public Procurement Rules by
NICLSMC 18 of 2010.
[118]- Imran Ayub. Billions of black money being used to fund terrorism in
Karachi: Rangers chief. Retrieved July 8, 2015, from https://www.dawn.com/news/1187627
[119]- Imtiaz Ali. Rangers, FIA seize land record during raid at Civic Centre.
Retrieved August 7, 2015, from https://www.dawn.com/news/1196149
[120]- NAB. (2015). Press Clippings [Press release]. Retrieved from http://www.nab.gov.pk/press/press_release2.asp; Syed Irfan Raza. NAB ‘following SC order to improve performance’.
Retrieved August 15, 2015, from http://www.dawn.com/news/1194533, Syed Irfan Raza. NAB
arrests Sindh official. Retrieved August 24, 2015, from http://www.dawn.com/news/1201337, Syed Irfan Raza. NAB opens
another corruption case in Sindh. Retrieved August 24, 2015, from http://www.dawn.com/news/1192260, Syed Irfan Raza. NAB to
investigate corruption in Sindh departments. Retrieved August 24, 2015,
from http://www.dawn.com/news/1191759, Syed Irfan Raza. NAB to open
three corruption cases. Retrieved 16 July, 2015, from http://www.dawn.com/news/1194750, Syed Irfan Raza. Rangers
share Sindh’s ‘land scam’ record with NAB. Retrieved July 31, 2015 from http://www.dawn.com/news/1197495; Staff Reporter. (2015). Excise
secretary, anti-corruption director held on graft charge. Retrieved June 5,
2015, from http://www.dawn.com/news/1186193.
[121]- Laurent Gayer. Karachi: Ordered disorder and the struggle for
the city. (London: Oxford University Press, 2014)
[122]- Syed Zafar Ali Shah and Others v/s General Pervez. Musharraf, PLD 2000
SC 869.
[123]- PILDAT. Assessment of the quality of democracy in Pakistan year 2012
(pp. 1– 75). (Lahore: Author. 2012), p. 332
[124]- Matthew S. Hull. Government of paper: the materiality of bureaucracy
in urban Pakistan. (Berkeley: Unversity of California Press. 2012), p.
81
No comments:
Post a Comment